અંજીર હલવો બનાવવા માટે અંજીર ને સાફ કરી લ્યો ત્યાર બાદ એક બે વખત પાણી થી ધોઇ લ્યો અને ત્યાર બાદ અંજીર ડૂબે એટલું ગરમ પાણી નાખી ઢાંકીને બે ત્રણ કલાક પલાળી મૂકો અને બે કલાક પછી પલાળેલા અંજીર માંથી બે ચાર અંજીર એક બાજુ કાઢી લ્યો
બાકી રહેલ બીજા અંજીર ને પીસી લ્યો પીસવા માટે જે પાણી માં અંજીર પલાળેલા હતા એજ નાખી ને બરોબર પીસી ને પેસ્ટ કરી લ્યો અને એક બાજુ મુકેલ અંજીર ના ચાકુથી કટકા કરી લ્યો અને એક બાજુ મૂકો
હવે ગેસ પર એક કડાઈમાં સોજી ને ધીમા તાપે ગોલ્ડન શેકી લ્યો સોજી ગોલ્ડન શેકાઈ જાય એટલે એમાં ઘી નાખી મિક્સ કરી એક બે મિનિટ ઘી માં શેકી લ્યો ત્યાર બાદ અંજીર ના કટકા અને અંજીર ની પેસ્ટ નાખી મિક્સ કરી મિડીયમ તાપે હલાવતા રહો ને શેકતા રહો આઠ દસ મિનિટ માં અંજીર શેકાઈ જાય ત્યાર બાદ એમાં ખાંડ નાખી મિક્સ કરી લ્યો
ખાંડ નાખ્યા બાદ હલવો નરમ થઇ જસે પણ બીજા આઠ દસ મિનિટ માં હલવો પાછો ઘટ્ટ થઈ જશે હલવો પાછો ઘટ્ટ થઈ જાય એટલે ગેસ બંધ કરી નાખો ( ખાંડ ની માત્ર તમારો પસંદ મુજબ વધુ ઓછી કરી શકો છો )
ત્યારબાદ એમાં મિલ્ક પાઉડર નાખી મિક્સ કરી લ્યો ( જો માવો નાખો તો એને બીજી કડાઈમાં શેકી લીધા બાદ નાખી ને મિક્સ કરવો) છેલ્લે કાજુ બદામ ને પિસ્તા ની કતરણ થી ગાર્નિશ કરી ગરમ કે ઠંડો સર્વ કરો અંજીર નો હલવો