વટાણા બટાકા ની સેન્ડવીચ | vatana bataka ni sandwich banavani rit | vatana bataka ni sandwich recipe in gujarati | વટાણા બટાકા ની સેન્ડવીચ બનાવવાની રીત
નમસ્તે મિત્રો આજે આપણે વટાણા બટાકા ની સેન્ડવીચ બનાવવાની રીત - vatana bataka ni sandwich banavani rit શીખીશું. આ સેન્ડવીચ બનાવવી ખૂબ સરળ છે, ને ખાવા માં ખુબ ટેસ્ટી લાગે છે જે તૈયારકરી નાસ્તામાં, ટિફિન માં અથવા પર પ્રવાસ માં લઇ જઇ શકો છો તો ચાલો vatana bataka ni sandwich recipe in gujarati શીખીએ
Servings: 4 વ્યક્તિ
Equipment
- 1 કડાઈ
- 1 સેન્ડવીચ મશીન / તવી
Ingredients
વટાણા બટાકા ની સેન્ડવીચ બનાવવા જરૂરી સામગ્રી
- બ્રેડ સ્લાઈસ
- માખણ
- સેન્ડવીચ નો મસાલો
- ટમેટા સોસ
સેન્ડવીચ નો મસાલો બનાવવા માટેની સામગ્રી
- 2-3 ચમચી તેલ
- ½ ચમચી રાઈ
- ½ ચમચી જીરું
- 5-7 ઝીણા સુધારેલ મીઠા લીમડાના પાન
- 2-3 લીલા મરચા ઝીણા સુધારેલા
- 2 ઝીણી સુધારેલી ડુંગળી
- 5-6 બાફેલા બટાકા
- ½ કપ બાફેલા વટાણા
- ½ ચમચી હળદર
- ½ ચમચી ધાણા જીરું પાઉડર
- 1 ચમચી લાલ મરચાનો પાઉડર
- ½ ચમચી ગરમ મસાલો
- 1 ચમચી ચાર્ટ મસાલો
- 1 ચમચી લીંબુનો રસ
- 4-5 ચમચી લીલા ધાણા સુધારેલા
- સ્વાદ મુજબ મીઠું
ચટણી બનાવવા માટેની સામગ્રી
- 1 કપ લીલા ધાણા સુધારેલા
- 10-12 ફુદીના ના પાન
- 2-3 લસણની કણી
- ½ ઇંચ આદુનો ટુકડો
- 2-3 લીલા મરચા સુધારેલા
- 1-2 ચમચી દડિયા દાળ
- ½ ચમચી ચાર્ટ મસાલો
- ½ ચમચી ખાંડ
- 1-2 ચમચી લીંબુનો રસ
- મીઠું સ્વાદ મુજબ
Instructions
વટાણા બટાકા ની સેન્ડવીચ | vatana bataka ni sandwich | vatana bataka ni sandwich recipe
- સૌપ્રથમ આપણે વટાણા બટાકા ની સેન્ડવીચ માટેનો મસાલો બનાવતા શીખીશું ત્યારબાદ વટાણા બટાકા ની સેન્ડવીચ અને સ્વાદિષ્ટ ચટણી બનાવતા શીખીશું.
વટાણા બટાકા ની સેન્ડવીચ માટેનો મસાલો બનાવવાની રીત
- વટાણા બટાકા ની સેન્ડવીચ સેન્ડવિચ નો મસાલો બનાવવા સૌપ્રથમ બટાકાને કુકર માં નાખી બાફી લ્યો અને વટાણા ને તપેલી માં બાફી લ્યો ત્યાર બાદ જરૂરી બધી સામગ્રી ને ઝીણી ઝીણી સુધારી લ્યો
- હવે ગેસ પર એક કડાઈમાં તેલ ગરમ કરવા મૂકો તેલ ગરમ થાય એટલે તેમાં રાઈ જીરુ નાખી તતડા વીલ્યો ત્યાર બાદ મીઠા લીમડાના પાન, લીલા મરચા સુધારેલા અને ડુંગળી સુધારેલ નાખી ને બરોબર મિક્સ કરી લ્યો ને શેકીલ્યો
- ડુંગળી શેકાઈ ને થોડી નરમ થાય એટલે એમાં હળદર, ધાણા જીરું પાઉડર, લાલ મરચાનો પાઉડર અને સ્વાદ મુજબ મીઠુંનાખી બરોબર મિક્સ કરી શેકી લ્યો ત્યાર બાદ એમાં બાફી ને મેસ કરેલ બટાકા અને બાફેલા વટાણા નાખી બરોબર મિક્સ કરી લ્યો
- મસાલા સાથે બટાકા વટાણા બરોબર મિક્સ કરી બે ચાર મિનિટ શેકી લ્યો ત્યાર બાદ એમાં ગરમ મસાલો અને ચાર્ટ મસાલો નાખી બરોબર મિક્સ કરી લ્યો ત્યાર બાદ ગેસ બંધ કરી લીંબુનો રસ અને લીલા ધાણા સુધારેલા અને જરૂર મુજબ મીઠું નાખી બરોબર મિક્સ કરી મસાલા ને ઠંડો થવા એક બાજુ મૂકો.
વટાણા બટાકા ની સેન્ડવીચ બનાવવાની રીત| vatana bataka ni sandwich banavani rit
- સેન્ડવિચ બનાવવા સૌ પ્રથમ બ્રેડ ની સ્લાઈસ લ્યો એના પર માખણ લગાવી લ્યો અને એક સ્લાઈસ પર ટમેટો સોસ લગાવી દયો ત્યાર બાદ એના પર તૈયાર કરેલ મસાલો લગાવી દયો અને ચીઝ નાખો ત્યાર બાદ બીજી સ્લાઈસ લીલી ચટણી લગાવી મસાલા લગાવેલ બ્રેડ પર મૂકી બંધ કરી લ્યો ને ઉપર ની બાજુ માખણ લગાવી દયો
- હવે ગેસ પર તવી પર જે બાજુ માખણ લગાવેલ એ બાજુ મૂકી ને ધીમા તાપે શેકો ને બ્રેડ શેકાઈ જાય એટલે ઉપરની બાજુ પણ માખણ લગાવી લ્યો ને ઉથલાવી ને બીજી બાજુ પણ ગોલ્ડન શેકી લ્યો આમ બને બાજુ શેકી ને સેન્ડવીચ તૈયાર કરી લ્યો
- અથવા સેન્ડવીચ મશીન માં તૈયાર કરેલ બ્રેડ મૂકી શેકી શકો છો આમ એક એક સેન્ડવિચ મસાલો ભરી શેકી ને તૈયાર કરી લ્યો અને સોસ અને ચટણી સાથે સર્વ કરો વટાણા બટાકા ની સેન્ડવીચ
ચટણી બનાવવાની રીત
- મિક્સર જારમાં લીલા ધાણા સુધારેલા, ફુદીના ના પાન, લસણ ની કણી, આદુ,લીલા મરચા, દાડિયા દાળ, ચાર્ટમસાલો, મીઠું સ્વાદ મુજબ, ખાંડ,લીંબુનો રસ નાખી ને પીસી લ્યો ત્યાર બાદ જરૂર મુજબ પાણી નાખી પીસી ને ચટણી તૈયાર કરી લેશું તો તૈયાર છે ચટણી
vatana bataka ni sandwich recipe in gujarati notes
- બ્રેડ તમે તમારી પસંદ મુજબ ઘઉંની અથવા મેંદાની લઈ શકો છો
- મસાલા માં મસાલા ને તીખાશ તમારી પસંદ મુજબ વધુ ઓછી કરી શકો છો
- માખણની જગ્યાએ તમે તેલ પણ લગાવી શકો છો
રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો