પનીર ટીક્કા બનાવવાની રીત | paneer tikka banavani rit | paneer tikka recipe in gujarati | પનીર ટીકા બનાવવાની રીત
નમસ્તે મિત્રો આજે આપણે પનીર ટીક્કા બનાવવાની રીત - paneer tikka recipe in gujarati સાથે લીલી ચટણી બનાવવાની રીત શીખીશું, આજ કાલ બધાને ટેસ્ટી તો ખાવું છે પણ એ ટેસ્ટી સાથે હેલ્થી પણ હોવું જોઈએ એટલેકે ઓછા તેલ મસાલા થી તૈયાર કરેલ હોય એવી વાનગી હોવી જોઈએ, તોઆજ આપણે જે પંજાબી શાક માં ભરપૂર માત્રા માં ક્રીમ કાજુ નાખી ને તૈયાર થાય એની જગ્યાએઓછા તેલ માં એક પંજાબી વાનગી બનાવીશું જે સ્વાદ તો પંજાબી વાનગી નો આપશે પણ ક્રીમ મસાલા વગર તૈયાર થશે, તો ચાલો પનીર ટીકા બનાવવાની રીત - paneer tikka banavani rit શીખીએ
Servings: 3 વ્યક્તિ
Equipment
- 1 તવી
- 1 સ્ટીક
Ingredients
પનીર ટિક્કા બનાવવા માટેની સામગ્રી | paneer tikka ingredients in gujarati
- 300 ગ્રામ પનીર ના મિડીયમ સાઇઝ ના કટકા
- 1-2 કેપ્સીકમ ના મિડીયમ સાઇઝ ના કટકા
- 1-2 ડુંગળી ના મિડીયમ સાઇઝ ના કટકા
- ½ કપ દહીં ટિંગાડેલું
- 2 ચમચી શેકેલ બેસન
- 1 ચમચી તેલ / રાઈ નું તેલ
- 1 ચમચી ગરમ મસાલો
- 2 ચમચી આદુ લસણની પેસ્ટ
- 1½ ચમચી લાલ મરચાનો પાઉડર
- 1 ચમચી શેકેલ જીરું પાઉડર
- ½ ચમચી મરી પાઉડર
- 1-2 ચમચી લીંબુનો રસ
- 1 ચપટી જાયફળ પાઉડર
- મીઠું સ્વાદ મુજબ
- માખણ / તેલ જરૂર મુજબ
લીલી ચટણી બનાવવા માટેની સામગ્રી
- ¼ કપ શેકેલ સીંગદાણા
- 1 ચમચી જીરું
- 3-4 લીલા મરચા સુધારેલા
- 1 કપ લીલા ધાણા સુધારેલા
- ¼ કપ ફુદીના ના પાંદડા
- 2 ચમચી લીંબુનો રસ
- ½ કપ દહીં
- 1 ઇંચ આદુનો ટુકડો
- મીઠું સ્વાદ મુજબ
Instructions
પનીર ટીક્કા | paneer tikka | paneer tikka recipe | પનીર ટીકા
- સૌ પ્રથમ આપણે લીલી ચટની બનાવતા શીખીશું ત્યારબાદ પનીર ટીક્કા બનાવતા શીખીશું
લીલી ચટણી બનાવવાની રીત
- મિક્સર જારમાં શેકેલ સીંગદાણા, જીરું, લીલા મરચા સુધારેલા, લીલા ધાણા સુધારેલા, ફુદીના ના પાંદડા, લીંબુનો રસ, આદુનો ટુકડો અને મીઠું સ્વાદ મુજબ નાખી ને પીસી લ્યો ત્યારબાદ એમાં દહીં નાખી ફરીથી પીસી લ્યો તો તૈયાર છે લીલી ચટણી
પનીર ટિક્કા બનાવવાની રીત
- પનીર ટિક્કા બનાવવા સૌપ્રથમ એક વાસણમાં દહીં ટિંગાડેલું, શેકેલ બેસન, તેલ/ રાઈ નું તેલ, ગરમ મસાલો, આદુ લસણની પેસ્ટ, લાલ મરચાનો પાઉડર, શેકેલ જીરું પાઉડર, મરી પાઉડર, લીંબુનો રસ,જાયફળ પાઉડર અને મીઠું સ્વાદ મુજબ નાખી બરોબર મિક્સ કરી લ્યો,
- હવે એમાં પનીરના કટકા નાખો એને પણ હલકા હાથે મિક્સ કરી લ્યો ત્યાર બાદ કેપ્સીકમ અને ડુંગળીના કટકા નાખી મિક્સ કરી ઢાંકી ને ફ્રીઝ માં અડધા કલાક થી એક કલાક મૂકો
- હવે જો લાકડા ની સ્ટીક વાપરતા હો તો એકાદ કલાક પાણી માં પલાળી મૂકવી ફ્રીઝ માં ઓછામાં ઓછા અડધા કલાક મૂક્યા બાદ મેરીનેટ કરેલ કેપ્સીકમ નો કટકો, પનીર નો કટકો, ડુંગળી ના કટકા એમ એક પછી એક નાખતા જાઓ.આમ બધી સ્ટીક માં મેરીનેટ કરેલ પનીર, કેપ્સીકમ અને ડુંગળી નાખી તૈયાર કરી લ્યો
- ત્યારબાદ ગેસ પર તવી ગરમ કરો એમાં માખણ કે તેલ નાખોને સ્ટીક ને મૂકી એક બાજુ શેકો થોડું શેકાઈ એટલે એની સાઈડ બદલાવી બીજી બાજુ શેકો,
- આમ બધી બાજુ થોડા થોડા ઉથલાવી ને શેકતા જાઓ બધી બાજુ શેકાઈ જાય એટલે તવી પર થી ઉતરી ને સર્વકરો પનીર ટિક્કા વિથ લીલી ચટણી
paneer tikka recipe in gujarati notes
- મેરીનેટ કરેલ પનીર, કેપ્સીકમ અને ડુંગળી ને તમે સ્ટીકના હોય તો સીધા તવી પર પણ શેકી શકો છો
રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો