સાત્વિક દહી વાળા પનીર નું શાક બનાવવાની રીત | Savtvik dahi vada panir nu shaak banavani rit | Savtvik dahi panir nu shaak recipe in gujarati
નમસ્તે મિત્રો આજે આપણે ડુંગળી લસણ વગરના દહી વાળા પનીરનું શાક બનાવવાની રીત - સાત્વિક દહી વાળા પનીર નું શાક બનાવવાની રીત - Savtvik dahi vada panir nu shaak banavani rit શીખીશું, આપણા માંથી ઘણા લોકો વ્રત માં ડુંગળી લસણ ખાવાનું ટાળતા હોય છે, ને વ્રત માં એક ટાઈમ ભોજન લેતા હોય છે. ત્યારે શુધ્ધને સાત્વિક ભોજન લેતા હોય છે, એટલે કે ડુંગળી લસણ વગર નું ભોજન લઈએ ત્યારે રોજ ના એજ શાક ખાઈ ખાઈ ને કંટાળીગયા હો તો આજ આપણે ડુંગળી લસણ વગરનું શાક બનાવતા શીખીશું તો ચાલો Savtvik dahi panir nu shaak recipe in gujarati શીખીએ
Servings: 4 વ્યક્તિ
Equipment
- 1 કડાઈ
- 1 મિક્સર
Ingredients
સાત્વિક દહી વાળા પનીર નું શાક બનાવવા જરૂરી સામગ્રી
- 500 ગ્રામ પનીર
- 1-2 ચમચી તેલ / સરસો નું તેલ
- 1 ચમચી કાશ્મીરી લાલ મરચાનો પાઉડર
- 1 ચમચી ધાણા જીરું પાઉડર
- ¼ ચમચી હળદર
- ¼ ચમચી જીરું પાઉડર
- 1 ચમચી કસુરી મેથી
- ¼ ચમચી સંચળ
- મીઠું સ્વાદ મુજબ
- શેકવા માટે તેલ
ગ્રેવી બનાવવા માટેની સામગ્રી
- ¼ કપ મગતરી ના બીજ
- ¼ કપ કાજુ
- 2 કપ દહીં
- 1 ચમચી લાલ મરચાનો પાઉડર
- 1 ચમચી ધાણા જીરું પાઉડર
- ½ ચમચી હળદર
- 2-3 ચમચી તેલ / સરસો નું તેલ
- 1 ચમચી જીરું
- 1-2 એલચી
- 1-2 લવિંગ
- 1-2 લીલા મરચા સુધારેલા
- 1 ચમચી આદુ પેસ્ટ
- 1 ચમચી ગરમ મસાલો
- 1 ચમચી કસુરી મેથી
- 1 ચમચી કાશ્મીરી લાલ મરચા નો પાઉડર
- 5-6 ચમચી લીલા ધાણા સુધારેલા
- મીઠું સ્વાદ મુજબ
- ગરમ પાણી જરૂર મુજબ
Instructions
સાત્વિક દહી વાળા પનીર નું શાક બનાવવાની રીત | Savtvik dahi vada panir nu shaak banavani rit | Savtvik dahi panir nu shaak recipe in gujarati
- દહી વાળા પનીર નું શાક બનાવવા સૌપ્રથમ આપણે પનીર ના કટકા ને મસાલા સાથે મિક્સ કરી તેલમાં શેકી લેશું ત્યાર બાદ ગ્રેવી તૈયાર કરીશું ને પનીર ગ્રેવી ને મિક્સ કરી તૈયાર કરીશું ડુંગળી લસણ વગરના દહી વાળા પનીર નું શાક.
પનીર તૈયાર કરવાની રીત
- સૌ પ્રથમએક વાસણમાં તેલ / સરસો નું તેલ, કાશ્મીરી લાલ મરચાનો પાઉડર, ધાણા જીરું પાઉડર, હળદર, જીરુંપાઉડર, મસળી ને કસુરી મેથી, સંચળ અને મીઠું સ્વાદ મુજબ નાખી બરોબર મિક્સ કરી લેશું ત્યાર બાદ એમાં પનીર ના કટકા નાખી બધા મસાલાને પનીર ના કટકા પર બરોબર કોટીંગ કરી ને એક બાજુ દસ મિનિટ મુકીશું.
- દસ મિનિટ પછી ગેસ પર એજ નોન સ્ટીક પેન માં ચાર પાંચ ચમચી તેલ નાખી ગરમ કરી લેવું ત્યાર બાદ એમાં મસાલા વાળા પનીર ના કટકા નાખી થોડી થોડી વારે બધી બાજુ ફેરવી ગોલ્ડન શેકી લો એક બાજુ મુકીશું.
ગ્રેવી બનાવવાની રીત
- ગ્રેવી બનાવવા ગેસ પર એક તપેલીમાં એક થી દોઢ ગ્લાસ પાણી ગરમ કરવા મૂકો પાણી ગરમ થાય એટલે એમાં કાજુ અને મગતરી ના બીજ નાખી ઢાંકી ને દસ મિનિટ બાફી લ્યો દસ મિનિટ પછી ગેસ બંધ કરીકાજુ ને મગતરી ના બીજ ને ચારણીમાં કાઢી પાણી નિતારી થોડા ઠંડા કરી લ્યો હવે એને મિક્સર જારમાં નાખી જરૂર મુજબ થોડું પાણી નાખી ઘટ્ટ પીસી ને પેસ્ટ તૈયાર કરી લ્યો
- હવે એક વાસણમાં દહીં ને ફેટી ને લ્યો એમાં પીસેલા કાજુ ની પેસ્ટ નાખી મિક્સ કરી લ્યો ત્યારબાદ એમાં લાલ મરચાનો પાઉડર, ધાણા જીરું પાઉડર અને હળદર નાખી બરોબર મિક્સ કરી એક બાજુ મૂકો
- હવે ગેસ પર એક કડાઈમાં તેલ ગરમ કરવા મૂકવું તેલ ગરમ થાય એટલે તેમાં જીરું, એલચી, લવિંગ, લીલા મરચા સુધારેલા અને આદુ પેસ્ટ નાખી શેકી લ્યો ત્યાર બાદ એમાં મસાલા વાળુ દહી નાખો ને મિડીયમ તાપે હલાવતા રહો જ્યાં સુંધી એમાં એકઉભરો ના આવે ત્યાં સુંધી ( અહી હલાવતા બરોબર રહેવું નહિતર દહી ફાટી જસે ને પાણી અલગ થઈ જશે તો ગ્રેવી બગડી જસે )
- હવે ગ્રેવી માં ઉભરો આવે એટલે એમાં જરૂર મુજબ ગરમ પાણી નાખી મિક્સ કરી લ્યો ને ઉકાળી લ્યો ત્યાર બાદ એમાં શેકેલ પનીર ના કટકા નાખી ને મિક્સ કરી લ્યો ને ઉપર થી ગરમ મસાલો, મસળી ને કસુરી મેથી,કાશ્મીરી લાલ મરચાનો પાઉડર અને સ્વાદ મુજબ મીઠું નાખી મિક્સ કરી ધીમા તાપે દસ મિનિટ ચડવા દયો
- શાકને વચ્ચે થોડી થોડી વારે હલાવતા રહેવું દસ મિનિટ ચડી જાય એટલે ગેસ બંધ કરી ઉપરથી લીલા ધાણા સુધારેલા નાખી ગરમ ગરમ સર્વ કરો ડુંગળી લસણ વગરના દહી વાળા પનીર નું શાક
Savtvik dahi panir nu shaak recipe in gujarati notes
- અહી તમે પનીર ની જગ્યાએ બાફેલા બટાકા ના કટકા પણ નાખી શકો છો અથવા બીજા શાક બાફી ને પણ નાખી શકો છો
- દહીં જો પાણી વાળુ હોય તો થોડી વાર કપડા માં બાંધી ને ટીંગાડી મૂકશો તો દહી ઘટ્ટ થઈ જશે
- અહી તમે એક ચમચી ખાંડ નાખી દેશો તો શાક ખૂબ ટેસ્ટી લાગશે
રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો