મીઠી બુંદી બનાવવાની રીત

નમસ્તે મિત્રો આજે આપણે મીઠી બુંદી બનાવવાની રીત - meethi boondi banavani rit શીખીશું. મીઠી બુંદી નો જો સાચો સાથીદાર કહેવા હોય તો એ છે બેસન ની સેવ અને ભાવનગરી ગાંઠિયા, જો આ બે મળી જાય તો તો મજા આવી જાય,પણ આજ કાલ તો આ મીઠી બૂંદી ખૂબ ઓછી જોવા મળે છે પણ આજ થી દસ પંદર વર્ષપહેલાં જો કોઈ મીઠી બુંદી નું નામ સાંભળતું તો મોઢામાં પાણી આવી જતું. પહેલા તો લગ્ન પ્રસંગ કે કોઈ પણ પ્રસંગ માં મીઠી બુંદી અને સેવ અથવા ભાવનગરી ગાંઠિયા મળે તો મજા આવી જતી તો આજ આપણે એજ ભુલાતી meethi boondi recipe in gujarati શીખીએ.

4.50 from 2 votes

Prep Time: 20

Cook Time: 30

Resting time: 1

Total Time: 1 50

Servings: વ્યક્તિ

Equipment

1 કડાઈ
1 ઝારો

Ingredients

મીઠી બુંદી બનાવવા જરૂરી સામગ્રી

3 કપ બેસન
2 કપ ખાંડ
½ ચમચી એલચી પાઉડર
પાણી જરૂર મુજબ
1-2 ચપટી પીળો / કેસરી ફૂડ કલર (ઓપ્શનલ છે જો ફૂડ કલર ના નાખવો હોય તો નેચપટી હળદર પણ નાખી શકો છો )
તેલ / ઘી તરવા માટે

Instructions

મીઠી બુંદી બનાવવાની રીત| meethi boondi banavani rit | meethi boondi recipe in gujarati

સૌ પ્રથમ બુંદી બનવતા શીખીશું ત્યારબાદ તેની ચાસણી બનાવતા શીખીશું ત્યારબાદ મીઠી બુંદી બનાવતા શીખીશું.

બુંદી બનાવવાની રીત

બુંદી બનાવવા સૌપ્રથમ એક વાસણમાં બેસન ને ચાળી લ્યોત્યાર બાદ એમાં થોડુ થોડુ કરી ને પોણા બે કપ જેટલું પાણી નાખતા જઈ બરોબર મિક્સ કરતા જાઓ બધી પાણી બરોબર મિક્સ કરી લ્યો ત્યાર બાદ પાંચ સાત મિનિટ સુધી ફેટી લ્યો.
હવે વાટકા માં પાણી લ્યો ને બે ચાર ટીપાં બેસન ના મિશ્રણ ના નાખો જો ટીપાં તરત ઉપર આવવા લાગે તો મિશ્રણ બરોબર ફેટી લીધું છે જો ટીપાં તરીયા માં બેસી જાય તો બીજા બે ચાર મિનિટ ફેટી લ્યો આમ મિશ્રણ ને બરોબર ફેટી લ્યો ત્યાર બાદ ઢાંકી ને દસ મિનિટ એક બાજુ મૂકો.

બુંદી ની ચાસણી બનાવવાની રીત

એક કડાઈમાં બે કપ ખાંડ લ્યો એમાં બે કપ પાણી નાખી મિક્સ કરી લ્યો ત્યાર બાદ ગેસ પર મૂકો નેમિક્સ કરી ખાંડ ને ઓગળી લ્યો ખાંડ ઓગળી ને ઉકળવા લાગે એટલે એમાં ફૂડ કલર નાખી મિક્સ કરી ચાસણી માં એક તાર બનાવવા લાગે ત્યાં સુંધી ઉકાળો ચાસણી માં એક તાર બનાવવા લાગે એટલે એમાં એલચી પાઉડર નાખી મિક્સ કરી ગેસ બંધ કરી ઢાંકી ને એક બાજુ મૂકો.

ગેસ પર એક કડાઈમાં તેલ / ઘી ગરમ કરવા મૂકો ઘી / તેલ ગરમ થાય ત્યાં સુધી બેસન નું મિશ્રણ બરોબર મિક્સ કરી લ્યો ને ત્યાર બાદ ગેસ ને મિડીયમ કરી ગરમ તેલ થી થોડો ઉપર કાણા વારો ઝારો રાખી એમાં બેસન નુંતૈયાર મિશ્રણ એમાં નાખી ને બુંદી બનાવો ને બુંદી ની મિશ્રણ હમેશા બહારથી અંદર ની બાજુ પડે એમ મિશ્રણ થોડુ થોડુનાખવું એક સાથે વધારે ના નાખવું.
બુંદી ને તેલ માં નાખતા બાદ એક બે મિનિટ બીજા ઝારા થી હલાવી બુંદી ને બરોબર ચડાવી લ્યો ત્યારબાદ ઝારા થી બીજી ચારણી માં કાઢી લ્યો જેથી વધારા નું તેલ નીકળી જાય ને આમ થોડી થોડીકરી બધી બુંદી બનાવી લ્યો.
હવે બધી તરેલ બુંદી એક મોટા વાસણમાં કાઢી લ્યો ત્યાર બાદ એમાં નવશેકી ચાસણી નાખી ને મિક્સ કરી લ્યો અને બુંદી ને અડધો કલાક એમજ મૂકી દયો જેથી ચાસણી અંદર સુંધી પહોંચી જાય અડધા કલાક પછી બુંદી બધી ચાસણી પી જસે ને છૂટી છૂટી બની જશે તો તૈયાર છે મીઠી બૂંદી.

meethi boondi recipe in gujarati notes

બુંદી માટેનું મિશ્રણ બનાવવા પાણી ક્યારે થોડું વધુ ઓછુ લાગી શકે છે.
ચાસણી જો મેલી લાગતી હોય તો એક ચમચી દૂધ નાખી ચાસણી ને ચોખ્ખી કરી શકો છો.
ચાસણી જામી ના જાય એ માટે ચાસણી માં બે ચાર ટીપાં લીંબુનો રસ નાખી શકો છો.
બુંદી માં તમે કેસર ના તાંતણા , મગતરી ના બીજ, કાજુ પિસ્તા ના કટકા નાખી શકો છો.
જો બુંદીમાં તમને ચાસણી વધારે લાગતી હોય તો ચારણી માં મૂકી દેવી વધારાની ચાસણી નીકળી જસે.

રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો