કચ્છી સાટા | kutchi sata | કચ્છી સાટા બનાવવાની રીત | kutchi sata banavani rit | kutchi sata recipe in gujarati
નમસ્તે મિત્રો આજે આપણે કચ્છી સાટા બનાવવાની રીત - kutchi sata banavani rit શીખીશું. આ સાટા ને ઘણા દેવડા તરીકે પણ ઓળખતા હોય છે. સાટા એ કચ્છી નામ છે ને દેવડા એ પાટણબાજુ પ્રખ્યાત છે, બને નો સ્વાદ ગણખરો એક જેવો જ લાગતો હોયછે. આજ આપણે કચ્છ ના ફેમસ સાટા બનાવતા શખીશું જે એક વખત બનાવીમહિના સુંધી મજા લઇ શકો છો જે અંદર થી સોફ્ટ અને બહારથી ક્રિસ્પી ને મીઠા લાગે છે જેબનાવવા ખૂબ સરળ છે તો ચાલો kutchi sata recipe in gujarati શીખીએ.
Servings: 7 પીસ
Equipment
- 1 કડાઈ
Ingredients
કચ્છી સાટા બનાવવા જરૂરી સામગ્રી
- 1 ¼ કપ મેંદાનો લોટ
- 2-3 ચમચી ઘી
- 2 ચમચી સોજી
- ¼ ચમચી બેકિંગ પાઉડર
- દૂધ જરૂર મુજબ
સાટાની ચાસણી બનાવવા માટે જરૂરી સામગ્રી
- 2 ચમચી ખાંડ
- 1 પાણી
- ¼ ચમચી રોઝ એસેન્સ
ગાર્નિશ માટેની સામગ્રી
- કાજુ, બદામ, પિસ્તા ની કતરણ
- સૂકા ગુલાબ ની પાંદડી
Instructions
કચ્છી સાટા | kutchi sata | kutchi sata banavani rit | kutchi sata recipe in gujarati
- કચ્છી સાટા બનાવવા સૌપ્રથમ આપણે સાટા માટેનો લોટ બાંધી ને તૈયાર કરી લેશું ત્યાર બાદ ઘી કે તેલ ગરમ કરી એમાં બાંધેલા લોટ માંથી નાની સાઇઝ ના સાટા તૈયારકરી ધીમા તાપે ગોલ્ડન બ્રાઉન તરી લેશું અને ત્યાર બાદ ચાસણી તૈયાર કરી એમાં તરી રાખેલસાટા નાખી એમાં થી કાઢી ડ્રાય ફ્રુટ ની કતરણ અને ગુલાબ ની પાંદડી થી ગાર્નિશ કરીને તૈયાર કરીશું કચ્છી સાટા.
સાટા માટેનો લોટ બાંધવાની રીત
- એક વાસણમાં મેંદા ના લોટ ને ચાળી ને લ્યો ત્યાર બાદ બેકિંગ પાઉડર અને ઘી નાખી હાથ થી મસળી ને બરોબર મિક્સ કરી લ્યો ત્યાર બાદ ઢાંકી ને દસ મિનિટ એક બાજુ મૂકો અને બીજા વાટકા માં સોજી અને બે ચમચી દૂધ નાખી બરોબર મિક્સ કરી ઢાંકી ને એને પણ ઢાંકી એક બાજુ મૂકો.
- દસ મિનિટ પછી સોજી ને ચમચા થી બરોબર મિક્સ કરી લ્યો ત્યાર બાદ મેંદા સાથે સોજી ને બરોબર મિક્સ કરી ને લોટ બાંધો ને લોટ બાંધવા જરૂર લાગે તો એક એક ચમચી દૂધ નાખી ને કઠણ લોટ બાંધીલ્યો ને ત્યાર બાદ લોટ ને બરોબર મસળી લ્યો અને ઢાંકી ને અડધો કલાક એક બાજુ મૂકો અડધા કલાક પછી ફરી લોટ ને બરોબર મસળી લ્યો.
- હવે લોટ ના એક સરખા બે ત્રણ ભાગ કરી લ્યો અને એક ભાગ નો લુવો બનાવી ને થોડા કોરા લોટ ની મદદ થી થોડી જાડી રોટલી વણી લ્યો ને જે સાઇઝ ના સાટા બનાવવા હોય એ સાઇઝ ના ગોળ કટકા કરી લ્યો અને કાંટા ચમચી થી કાણા કરી લ્યોને એક થાળી માં મૂકતા જાઓ આમ બધા લોટ માંથી સાટા તૈયાર કરી લ્યો.
- હવે ગેસ પર એક કડાઈમાં ઘી અથવા તેલ ગરમ કરવા મૂકો. ઘી નવશેકું ગરમ થાય એટલે ગેસ ધીમો કરી એમાં તૈયાર કરેલ સાટા ચાર પાંચ નાખી ને ગોલ્ડન તરી લ્યો એક વખત સાટા નીચેના ભાગે થોડી ગોલ્ડન થાય એટલે ઉથલાવી નાખવી ને બને બાજુ ગોલ્ડન થાય ત્યાં સુંધી તરી લેવા આમ થોડા થોડા કરી બધા સાટા તરી લ્યો ને એક બાજુ મૂકો.
ચાસણી બનાવવાની રીત
- એક કડાઈમાં ખાંડ અને પાણી નાખી બરોબર મિક્સ કરી લ્યો ત્યાર બાદ ગેસ પર મૂકી ચમચા થી હલાવતા રહી ખાંડ ને ઓગળી લ્યો ખાંડ ઓગળી જાય ને ઉકળવા લાગે એટલે જો ખાંડ માં કચરો લાગે તો એક ચમચી દૂધ નાખી મિક્સ કરી ઉપર આવેલ કચરો કાઢી લ્યો.
- હવે અઢી તાર ની ચાસણી થાય ત્યાં સુંધી ખાંડ ને મિડીયમ તાપે ઉકાળી લ્યો ચાસણી ના અઢી તાર બનવા લાગે એટલે રોઝ એસેન્સ નાખી મિક્સ કરી ગેસ બંધ કરી નાખો. હવે ચાસણી ને થોડી ઠંડી થવા દયો ચાસણી નવ શેકી થવા દયો.
સાટા બનાવવાની રીત
- ચાસણી નવશેકી થાય ત્યાં સુંધી માં થાળી ને ઊંધી કરી એના પર ઘી લગાવી ગ્રીસ કરી લ્યો. ચાસણી થોડી ઠંડી થાય એટલે એમાંતૈયાર કરેલ સાટા એક બે એક બે નાખી બરોબર હલાવી લ્યો અને ચમચા થી કાઢી ને ઘી થી ગ્રીસ કરેલ થાળી ઉપર મૂકતા જાઓ,
- ત્યારબાદ એ નાંમ બધા સાટા ને બોળી લીધા બાદ સાટા પર બચેલી ચાસણી ની એક ચમચી નાખી એના પર ડ્રાયફ્રુટ ની કતરણ અને ગુલાબ ની પાંદડી મૂકતા જાઓ આમ બધા સાટા ને ગાર્નિશ કરી તૈયાર કરી લ્યો ને અડધા થી એક કલાક ઠંડા થવા દયો,
- સાટા બિલકુલ ઠંડા થાય એટલે થાળી ઉપર થી કાઢી ડબ્બા માં ભરી લ્યો ને મજા લ્યો કચ્છી સાટા.
kutchi sata recipe in gujarati notes
- બાંધેલા લોટ માંથી નાના નાના લુવા કરી હથેળી વડે દબાવી ને પણ સાટા બનાવી શકો છો.
- જો ચાસણી વઘારે ઘટ્ટ થઈ જાય તો એક બે ગરમ ચમચી પાણી નાખી પાતળી કરી શકો છો અથવા પાણી નાખી ગરમ કરી ને પણ પાતળી થઈ જશે.
રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો