Go Back
–+ servings
અંજીર ખજૂર વેડમી - અંજીર ખજૂર વેડમી બનાવવાની રીત - Anjeer Khajur Vedmi - Anjeer Khajur Vedmi banavani rit - Anjeer Khajur Vedmi recipe in gujarati

અંજીર ખજૂર વેડમી | Anjeer Khajur Vedmi | Anjeer Khajur Vedmi banavani rit | Anjeer Khajur Vedmi recipe in gujarati

નમસ્તે મિત્રો આજે આપણે અંજીર ખજૂર વેડમી બનાવવાની રીત - Anjeer Khajur Vedmi banavani rit શીખીશું , પારંપરિક વેડમી તો આપણે ચણા દાળ અથવા તુવેર દાળ ને બાફીને તૈયાર કરેલા પુરણ માંથી બનાવતા હોઈએ છીએ પણ આજ આપણે થોડા અલગ પુરણ સાથે બનાવશું. જે વાર તહેવાર પર બનાવી ને મજા લઇ શકાય છે તો ચાલો Anjeer Khajur Vedmi recipe in gujarati શીખીએ.
4.50 from 2 votes
Prep Time: 20 minutes
Cook Time: 30 minutes
Total Time: 50 minutes
Servings: 4 વ્યક્તિ

Equipment

  • 1 તવી
  • 1 પાટલો
  • 1 વેલણ

Ingredients

અંજીર ખજૂર વેડમી નો લોટ બાંધવા માટેની સામગ્રી

  • 1 કપ ઘઉંનો લોટ
  • મીઠું સ્વાદ મુજબ
  • પાણી જરૂર મુજબ
  • ઘી જરૂર મુજબ

પુરણ બનાવવા માટેની સામગ્રી

  • 10-12 ખજૂર
  • ¼ ચમચી એલચીપાઉડર
  • અંજીર
  • 2 ચમચી કાજુની કતરણ
  • 2 ચમચી બદામની કતરણ
  • 1-2 ચમચી પિસ્તાની કતરણ
  • ઘી જરૂર મુજબ

Instructions

અંજીર ખજૂર વેડમી બનાવવાની રીત | Anjeer Khajur Vedmi banavani rit | Anjeer Khajur Vedmi recipe in gujarati

  • આજ સૌપ્રથમ આપણે અંજીર ખજૂર વેડમી નો લોટ બાંધવાની રીત શીખીશુંત્યારબાદ પુરણ બનાવવાની રીત શીખીશું

અંજીર ખજૂર વેડમી નો લોટ બાંધવાની રીત

  • અંજીર ખજૂર વેડમી નો લોટ બાંધવા સૌપ્રથમ કથરોટ માં ઘઉંનો લોટ ચાળી ને લ્યો એમાં થોડું મીઠું અને એક ચમચી ઘી નાખી ને બરોબર મિક્સ કરી લ્યો ત્યાર બાદ જરૂર મુજબ પાણી નાખીમિડીયમ નરમ લોટ બાંધી લ્યો ને બાંધેલા લોટ ને બે મિનિટ મસળી લ્યો. લોટ ને મસળી લીધા બાદ એમાંફરી એક ચમચી ઘી નાખી લોટ ને મસળી લ્યો ને ઢાંકી ને એક બાજુ મૂકો.

પુરણ બનાવવાની રીત

  • પુરણ બનાવવા ખજૂર ના બીજ કાઢી કટકા કરી લ્યો ત્યાર બાદ અંજીર ને સાફ કરી એક વખત પાણી થી ધોઇ લ્યો ત્યાર બાદ બે કલાક ઠંડા પાણી માં અથવા પંદર વીસ મિનિટ ગરમ પાણી માં પલાળી મુકો. અંજીર પલાળીલીધા બાદ એનું પાણી નિતારી લ્યો ત્યાર બાદ ઝીણા ઝીણા કટકા કરી લ્યો.
  • હવે ગેસ પર એક કડાઈમાં એક ચમચી ઘી ગરમ કરી લ્યો ત્યાર બાદ એમાં સુધારેલ ખજૂર અને અંજીર નાખી ધીમા તાપે હલાવતા રહો ને પાંચ સાત મિનિટ શેકી લ્યો જેથી મિશ્રણ નરમ થઇ જાય. ત્યાર બાદ એમાં એલચી પાઉડરનાખી મિક્સ કરી લ્યો.
  • અંજીર અને ખજૂર બિલકુલ નરમ થઈ જાય એટલે એમાં કાજુ ની કતરણ, પિસ્તા ની કતરણ, બદામ ની કતરણ નાખી મિક્સ કરી લ્યો ને છેલ્લે એમાં એક ચમચી ઘી નાખી મિક્સ કરીમિશ્રણ ને બીજા વાસણમાં કાઢી ને ઠંડા કરી લ્યો.

વેડમી બનાવવાની રીત

  • બાંધેલા લોટ ને બરોબર મસળી લ્યો ત્યાર બાદ એમાંથી નાના નાના લુવા બનાવી લ્યો હવે એજ લુવા નેવેલણ વડે વણી લ્યો. (જો લોટ ચોટતો હોય તો પાટલા ને વેલણ પર ઘી લગાવી દેવું ) નાની પૂરી તૈયાર થાય એટલે વચ્ચે ઠંડુ થયેલ પુરણ મૂકી ને બધી બાજુથી બરોબર પેકકરી ફરી બરોબર પેક કરી લ્યો.
  • પેકકરેલ લુવા ને ફરી હલકા હાથે વણી લ્યો. આમ બધી વેડમી ને પુરણ ભરી પેક કરી વણી ને વેડમી તૈયાર કરી લ્યો. હવે ગેસ પર ધીમા તાપે એક તવી માં બે ચાર ચમચી ઘી નાખી એમાં તૈયાર કરેલ વેડમીમૂકી બને બાજુ ઉથલાવતા રહી ને ગોલ્ડન થાય ત્યાં સુંધી શેકી લ્યો.
  •  આમ બને બાજુ શેકી લીધા બાદ ગેસ પરથી ઉતારી લ્યો ને બીજી વેડમી ને ધીમા તાપે શેકી લ્યો. ને ઉપરથીઘી લગાવી ને ગરમ કે ઠંડી સર્વ કરો અંજીર ખજૂર વેડમી.

Anjeer Khajur Vedmi recipe in gujarati notes

  • તમે વેડમી ને અપ્પમ માં પણ શેકી ને અથવા ઓવેન માં પણ શેકી ને તૈયાર કરી શકો છો.
  • અહી જો તમને મીઠાસ વધુ પસંદ હોય તો શેકતી વખતે ખાંડ કે છીણેલો ગોળ નાખી શકો છો.
રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો