ગોલી ઈડલી બનાવવાની રીત | goli idli recipe in gujarati | goli idli banavani rit
નમસ્તે મિત્રો આજે આપણે સાઉથ ઈન્ડિયન વાનગી ગોલી ઈડલી બનાવવાની રીત શીખીશું. આમ તો સાઉથ ની દરેક વાનગી ખૂબ જ સ્વાદિષ્ટ લાગે છે ને આજ કાલ તો ગોલી ઈડલી ખૂબ જ ખવાતી વાનગી છે ને ગોલી ઈડલી મોટા ને તો ભાવે છે જ પણ નાના બાળકો ને ખુબજ ખુશ થઈ ને ખાતા હોય છે જે બાળકો ને નાસ્તા માં, સ્કૂલ ના લંચ બોકસ માં કે સાંજ ના નાસ્તા માં આપો તો ખૂબ જ ખુશ થઈને ખાશે. તો એક વાર ચોક્કસ ઘરે બનાવજો ગોલી ઈડલી. તો ચાલો જોઈએ ગોલી ઈડલી બનાવવાની રીત, goli idli recipe in gujarati , goli idli banavani rit.
Servings: 4 વ્યક્તિ
Equipment
- 1 ઢોકરિયું
- 1 કડાઈ
Ingredients
ગોલી બનાવવા જરૂરી સામગ્રી | goli idli recipe in gujarati
- 1 ½ કપ ચોખા નો લોટ
- 1 ½ કપ પાણી
- 1 ચમચી ઘી
- સ્વાદ મુજબ મીઠું
ગોલી ઈડલી ના વઘાર માટે ની સામગ્રી
- 2 ચમચી તેલ
- 1 ચમચી રાઈ
- 1 ચમચી ચણા દાળ
- 1 ચમચી ઉદડ દાળ
- 2 ચમચી તલ
- 1-2 સૂકા લાલ મરચા
- 1 છીણેલું આદુ 1
- ¼ ચમચી હિંગ
- 1-2 સુધારેલા લીલા મરચા
- 8-10 મીઠા લીમડા ના પાન
- ¼ કપ લીલા ધાણા સુધારેલા
Instructions
ગોલી ઈડલી બનાવવાની રીત - goli idli recipe in gujarati - goli idli banavani rit
- ગોલી ઈડલી બનાવવા સૌપ્રથમ ગેસ પર એક કડાઈમાં દોઢ કપ પાણી ગરમ કરવા મૂકો
- પાણી ગરમ થાય એટલે એમાં સ્વાદ મુજબ મીઠું નાખો
- ત્યારબાદ એમાં એક ચમચી ઘી / તેલ નાખો ને પાણી ને ઉકાળો
- પાણી ઉકળે એટલે એમાં દોઢ કપ ચોખા નો લોટ નાખી ચમચા વડે બરોબર મિક્સ કરો
- ત્યારબાદ ઢાંકણ ઢાંકી ધીમા તાપે 4-5 મિનિટ ચડાવો
- પાંચ મિનિટ પછી ગેસ બંધ કરી ને ચોખા નું મિશ્રણ બીજા વાસણ માં કાઢી થોડું ઠંડુ થવા દયો
- મિશ્રણ ઠંડુ થાય એટલે હાથ વડે મસળી ને સોફ્ટ લોટ બાંધી લ્યો ( લોટ બાંધવા જરૂર લાગે તો થોડુંગરમ પાણી નાખવું)
- લોટ બરોબર સમુથ થઈ જાય એટલે એમાંથી નાની નાની ગોળી બનાવી લ્યો બનાવેલી ગોલી ને ચારણીમાંમૂકો
- હવે ગેસ પર એક ઢોકરિયા માં પાણી નાખી ઢાંકણ ઢાંકી પાણી ઉકાળો
- પાણી ઉકળવા લાગે એટલે એમાં કાંઠો મૂકી ગોલી વાળી ચારણી મૂકો ને ઢાંકણ ઢાંકી દસ પંદર મિનિટચડાવો
- પંદર મિનિટ ગોલી ચડવ્યા બાદ ગોલી વાળી ચારણી બહાર કાઢી ઠંડી થવા દયો
- હવે ગેસ પર એક કડાઈમાં બે ત્રણ ચમચી તેલ ગરમ કરો
- તેલ ગરમ થાય એટલે એમાં રાઈ, ચણા દાળ, ઉદળ દાળ , તલ ને સૂકા લાલ મરચા નાખી હલાવો
- ત્યારબાદ હિંગ , મીઠા લીમડાના પાન, લીલા મરચા સુધારેલા ને છીણેલું આદુ નાખી મિક્સ કરો
- ત્યારબાદ એમાં બાફેલી ગોલી નાખી મિક્સ કરો ત્યાર બાદ ઢાંકણ ઢાંકી 4-5 મિનિટ ચડાવો
- છેલ્લે ગેસ બંધ કરો ને લીલા ધાણા સુધારેલા નાખી મિક્સ કરો ને ચટણી સાથે પીરસો
goli idli recipe notes
- છેલ્લે ગોલી ઈડલી માં તમે સંભાર મસાલો 1-2 ચમચી નાખશો તો ખૂબ જ સ્વાદિષ્ટ લાગશે
રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો