અપમ બનાવવા સૌપ્રથમ બધા શાકભાજીઓ ધોઈ બરોબર સાફ કરી લો
ત્યારબાદ ડુંગળી ની જીની સુધારી લો ,ત્યારબાદ ગાજરને છીણીને અથવા તો સાવ ઝીણા કટકા કરી લો ,ત્યારબાદ કેપ્સિકમની જીણા સુધારી લ્યો ત્યારબાદ લીલા મરચા ને જીણા સુધારી લો
હવે એક વાસણમાં સાફ કરેલી સોજી લ્યો ત્યાર બાદ એમાં દહીં નાખો ત્યારબાદ તેમાં સુધારેલી ડુંગળી ઉમેરો ત્યારબાદ તેમાં સુધારેલ ગાજર , કેપ્સીકમ, સુધારેલા લીલા મરચા ને છીણેલું આદુ નાખો ત્યાર બાદ સ્વાદ મુજબ મીઠુંનાખી બરોબર મિક્સ કરો
ત્યારબાદ તેમાં દોઢ કપ જેટલું પાણી નાખો અને મિશ્રણને બરોબર મિક્સ કરો
મિશ્રણ બરોબર મિક્સ થઇ જાય એટલે ઢાંકણ ઢાંકી દસથી પંદર મિનિટ એક બાજુ મૂકી દો મિશ્રણ રેસ્ટ કરવા મૂકો
મિશ્રણ રેસ્ટ ત્યાં સુધીમાં તેની સાથે પીરસવામાં આવતી ચટણી તૈયાર કરી લઈએ
હવે વઘારીયા માં એક બે ચમચી તેલ ગરમ કરો તેલ ગરમ થાય એટલે તેમાં રાઈ નાખો તેમજ ચપટી હિંગ નાખી ગેસ બંધ કરી નાખો ત્યારબાદ તેમાં મીઠા લીમડાના પાન નાખી વઘાર તૈયાર કરો
તૈયાર વઘાર ઠંડો થાય એટલે અપમ ના મિશ્રણમાં નાખી બરોબર મિક્સ કરો
હવે અપમ મિશ્રણ માં બેકિંગ સોડા નાખી મિક્સ કરો
હવે ગેસ પર અપમ પાત્ર ગરમ કરવા મૂકો
ત્યારબાદ તેમાં ચમચી વડે સોજી નું મિશ્રણ નાખો ત્યાર બાદ અપમ પાત્ર ને ઢાંકણ ઢાંકી એકથી બે મિનિટ ચડવા દયો
ત્યારબાદ ટૂથ પિક થી કે ચમચી વડે બધા અપમ ને ફેરવી ને બીજી બાજુ ચડવા માટે ઉથલાવી નાખો અને બીજી બાજુ પણ ઢાંકણ ઢાંકી એકથી બે મિનિટ ગોલ્ડન થાય ત્યાં સુધી ચઢાવો
બને બાજુ ગોલ્ડન ચડી જાય એમ બધા જ અપમ તૈયાર કરો તૈયાર કરેલી ચટણી અથવા ટોમેટો સોસ સાથે ગરમાગરમ પીરસો