પાસ્તા બનાવવાની રીત | પાસ્તા બનાવવાની રેસીપી | pasta banavani rit | pasta recipe in gujarati language
નમસ્તે મિત્રો આજે લોકો દ્વારા કહેવામાં આવતી રીક્વેસ્ટ પાસ્તા બનાવતા શીખવાડો - પાસ્તા બનાવવાની રીત શીખવાડો ને આજ આપણે વેજ પાસ્તા બનાવવાની રીત શીખીશું. પાસ્તા આમ તો એક ઈટાલીયન વાનગી છે જે સોજી માંથી બનતા હોય છે ને આજ કલ તો બજારમાં અલગ અલગ આકાર ને રંગ ના 19-20 પ્રકારના પાસ્તા બજાર માં મળતા હોય છે જે હાલ ભારત માં ખુબ જ શોખ થી ખવાય છે નાના મોટા બધા ને પાસ્તા ભાવતા હોય છે પાસ્તા આમ તો ખૂબ જ સરળ અને ઝડપી બની જતા હોયછે ને ખાવા માં પણ ટેસ્ટી લાગે છે અને આ પાસ્તા તમે તમારા કે તમારા બાળકો ના લંચ બોક્સ માં પણ આપી શકો છો તો આજ આપણે ઘર માંથી જ મળતી સામગ્રી માંથી પાસ્તા બનાવવાની રેસીપી, pasta banavani rit , pasta recipes in gujarati language શીખીશું.
Servings: 2 વ્યક્તિ
Equipment
- ચારણી
- કડાઈ
Ingredients
પાસ્તા બનાવવા જરૂરી સામગ્રી | Pasta banava jaruri samgri
- પાસ્તા 1 કપ
- બીન્સજીની સુધારેલ ¼ કપ
- કેપ્સિકમ જીણું સુધારેલ ½ કપ
- ડુંગરી જીણી સુધારેલ 1 કપ
- ટમેટા જીણા સુધારેલ 2 કપ
- લીલા મરચાં જીણા સુધારેલ 2-3
- લસણ પેસ્ટ 2-3 ચમચી
- મકાઈ દાણા ½ કપ
- તેલ / ઓલિવ ઓઈલ 4-5 ચમચી
- ટોમેટો કેચઅપ 2-3 ચમચી
- લાલ મરચા નો પાવડર 1 ચમચી
- ચીલી ફ્લેક્સ 1 ચમચી
- ઓરેગાનો / મિક્સ હર્બસ 1 ચમચી
- સુકી મેથી ના પાન 1 ચમચી
- ચીઝ ક્યૂબ 2-3
- સ્વાદ મુજબ મીઠું
- જરૂર મુજબ પાણી
- લીલા ધાણા સુધારેલા2-3 ચમચી
Instructions
પાસ્તા બનાવવાની રીત -પાસ્તા બનાવવાની રેસીપી - pasta banavani rit - pasta recipe in gujarati language
- પાસ્તા બનાવવા સૌપ્રથમ ગેસ પર એક કડાઈમાં1-2 ગ્લાસ પાણી ગરમ મૂકો
- પાણી ગરમ થાય એટલે એમાં સ્વાદ મુજબ મીઠું ને1-2 ચમચી તેલ નાખી પાણી ઉકાળો
- પાણી ઉકળે એટલે તેમાં પાસ્તા નાખો ને ચમચા વડે બરાબર મિક્સ કરો
- ત્યારબાદ પાસ્તા ને ઢાંકણ ઢાંકી ને પાંચ સાત મિનિટ ચડાવો
- ત્યારબાદ પાસ્તા બરોબર બફાઈ ને ચડી ગયા કે નહિ એ ચેક કરવા પાસ્તા ને તોડી ને જોવો જો બરોબર ચડી ગયા હસેતો તરત તૂટી જસે નહિતર 2-3 મીનીટ બીજા ચડવો
- પાસ્તા બરોબર ચડી જાય એટલે પાસ્તા નું વધારાનું પાણી કાઢી નાખવા તેને ચારણીમાં નાખો ને ઉપરથી એકાદ ચમચી તેલ નાખી મિક્સ કરો જેથી પાસ્તા એક બીજા સાથે ચીપકી ના જાય
- હવે ગેસ પર એક કડાઈ માં 2-3 ચમચી તેલ ગરમ કરવા મૂકો
- તેલ ગરમ થાય એટલે તેમાં લસણ પેસ્ટ નાખો ત્યાર બાદ લીલા મરચા નાખી હલાવો
- ત્યારબાદ એમાં જીણી સુધારેલ ડુંગરી, બિન્સ, મકાઈ ના દાણા નાખી ત્રણ ચાર મિનિટ શેકો
- ત્યારબાદ એમાં જીણા સુધારેલ કેપ્સીકમ નાખો ને મિક્સ કરો ત્યાર બાદ એમાં જીણા સુધારેલા ટમેટા નાખો ને સ્વાદ મુજબ મીઠું નાખી મિક્સ કરી ને ચાર પાંચ મિનિટ શેકો( ટમેટા માંથી તેલ છૂટે ત્યાં સુધી શેકો)
- ત્યારબાદ એમાં લાલ મરચા નો પાવડર, સુકી મેથી ના પાન ( બે હથેળી વચ્ચે મસળી ને નાખવા),ચીલી ફ્લેક્સ, ઓરેગાનો/ મિક્સહર્બસ, ટમેટો કેચ અપ નાખી મિક્સ કરો
- બધું બરોબર મિક્સ થઇ જાય એટલે તેમાં બાફેલા પાસ્તા નાખી બરોબર મિક્સ કરી બે ત્રણ મિનિટ ઢાંકણ ઢાંકી ચડાવો
- ત્યારબાદ છેલ્લે તેના પર છીણેલું ચીઝ નાખો ને મિક્સ કરો ત્યાર બાદ ગેસ બંધ કરો ને પાસ્તાને લીલા ધાણા થી ગાર્નિશ કરી સર્વ કરો
Notes
- પાસ્તા માં તમે તમને ગમતા તે તમારા બાળકો ને ગમતા આકાર ને રંગ ના પાસ્તા વાપરી શકો છો
- આજ કાલ બજાર માં સફેદ, પીળાં, ને ગ્રીન કલર ના પાસ્તા મળે છે
- શાક પણ તમારી પસંદ મુજબ વાળુ ઓછા કે ગમતા નાખી શકો છો
રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો