પાનકોબી પેનકેક અને ચીલી ગાર્લિક ડીપ બનાવવાની રીત | pankobi pen cake
આજે આપણે પાનકોબી પેનકેક અને ચીલી ગાર્લિક ડીપ બનાવવાની રીત શીખીશું. દરેક ઘરમાં બાળક હોય કે વડીલહોય કોઈક ને કોઈક શાકકે ફ્રુટ ખાવા માં આના કાની કરતા હોય એમાંનું એક શાક છે પાનકોબી જે કોઈને ભાવતી નથી પણ આજ આપણે એજ પાનકોબી ના ખૂબ ટેસ્ટી પેન કેક બનાવવાની રીત શીખીશું સાથે ખૂબ યમ્મીડીપ સાથે તો ચાલો પાનકોબી પેનકેક અને ચીલી ગાર્લિક ડીપ બનાવવાની રીત,pankobi pen cake banavni rit, chili garlic dip banavani rit શીખીએ.
Servings: 4 વ્યક્તિ
Equipment
- તવી
- કડાઈ
Ingredients
પાનકોબી પેન કેક બનાવવા માટેની સામગ્રી | pankobi pen cake banava jaruri samgri
- પાનકોબી 2 કપ ઝીણી સુધારેલી
- ડુંગરી 1 ઝીણી સુધારેલી
- લીલા ધાણા 1 કપ ઝીણા સુધારેલા
- લીલા મરચા 1-2 ઝીણા સુધારેલા
- આદુ - લસણ ની પેસ્ટ 1 ચમચી
- મરી પાઉડર ¼ ચમચી
- લાલ મરચાનો પાઉડર ¼ ચમચી
- કોર્ન ફ્લોર 2-3 ચમચી
- બેસન 2-3 ચમચી
- મીઠુ સ્વાદ મુજબ
- પાણી જરૂર મુજબ
- તેલ જરૂર મુજબ
ચીલી ગાર્લીક ડીપ બનાવવા માટેની સામગ્રી | chili garlic dip banava jaruri samgri
- તેલ 1-2 ચમચી
- લસણની કળીઓ 6-7 સુધારેલી
- ચીલી ફ્લેક્સ 1 ચમચી
- ચીલી સોસ ¼ ચમચી
- મરી પાઉડર ¼ ચમચી
- ટમેટો કેચઅપ 2-3 ચમચી
- ડાર્ક સોયા સોસ 1 ચમચી
- વિનેગર ½ ચમચી /લીંબુ નો રસ 1 ચમચી
- કોર્ન ફ્લોર 1 ચમચી
- મીઠું સ્વાદ મુજબ
- પાણી 1 કપ
Instructions
પાનકોબી પેન કેક બનાવવાની રીત | pankobi pen cake banavani rit
- સૌ પ્રથમ પાનકોબી ને ધોઇ સાફ કરી લ્યો ને ત્યાર બાદ સાવ ઝીણી સુધારી લ્યો એમાં ઝીણી સુધારેલી ડુંગરી, લીલા મરચા,લીલા ધાણા સુધારેલા, આદુ લસણ ની પેસ્ટ,મરી પાઉડર, લાલ મરચાનો પાઉડર, ને મીઠું નાંખી બરોબર મિક્સ કરો ને એ મિશ્રણ ને દસ મિનિટ એક બાજુ મૂકો
- આમ કરવાથી પણ કોબી માંથી પાણી અલગ થશે હવે દસ મિનિટ પછી ફરીથી મિશ્રણ ને ચમચા વડે મિક્સ કરો ત્યારબાદ એમાં જરૂર મુજબ બેસન ને કોર્ન ફ્લોર નો લોટ નાખતા જઈ મિક્સ કરો અને બરોબર બાઈડિંગ (એક બીજા થી અલગ ના થઈ જાય એટલે) આવે એ માટે જરૂર મુજબ પાણી નાખી મિક્સ કરો
- (જો જરૂર લાગે તો જ પાણી નાખવું મિશ્રણ ને ઘટ્ટ જ રહેવા દેવાનું છે) તૈયાર મિશ્રણ ને પાંચ મિનિટ રેસ્ટ આપો
- હવે ગેસ પર એક તવી ગરમ મૂકો એને તેલ થી ગ્રીસ કરો ને જે તૈયાર મિશ્રણ ને જે સાઇઝ ના પેનકેકબનાવવા હોય એટલું મિશ્રણ નાંખી મિડીયમ જાડું ફેલાવો એક બાજુ ગોલ્ડન શેકાઈ જાય એટલે બીજી બાજુ ઉથલાવી થોડું તેલ નાખી ગોલ્ડન શેકી લ્યો બને બાજુ ગોલ્ડન શેકાઈ જાય એટલે તૈયાર છે આમ બધા પેન કેક બનાવી તૈયાર કરો પાનકોબી પેન કેક
ચીલી ગાર્લિક ડીપ બનાવવાની રીત | chili garlic dip banavani rit
- ગેસ પર એક કડાઈમાં એક ચમચી તેલ ગરમ મૂકો તેલ ગરમ થાય એટલે એમાં લસણ ની કણીઓ ના કટકા નાખોને ધીમે તાપે શેકો લસણ બરોબર શેકાઈ ને થોડો રંગ બદલવા લાગે એટલે એમાં ચીલી ફ્લેક્સ નાખી મિક્સ કરો
- હવે એમાં એક કપ પાણી નાખો ને મિક્સ કરી ઉકાળો પાણી ઉકળવા લાગે એટલે એમાં મરી પાઉડર, ટમેટો કેચઅપ, વિનેગર/ લીંબુ નો રસ નાખી મિક્સ કરી બે મિનિટ ઉકાળો
- હવે એક વાટકા માં એક ચમચી કોર્ન ફ્લોર લઈ બે ત્રણ ચમચી પાણી નાખી મિક્સ કરી કોર્ન ફ્લોર સ્લડી તૈયાર કરો આ સલ્ડી ને ઉકળતા પાણી માં નાખી બરોબર હલાવતા રહી મિક્સ કરો ને બે ત્રણ મિનિટ ચડાવો
- છેલ્લે એમાં જરૂર મુજબ મીઠું નાખી મિક્સ કરી ગેસ બંધ કરો તો તૈયાર છે ચીલી ગાર્લિક ડીપ
- તૈયાર પાનકોબી પેનકેક ને ચીલી ગાર્લિક ડીપ ને સર્વ કરો
Notes
- આ પેનકેક મિશ્રણ થી તમે અપ્પમ માં પણ બનાવી શકો છો અથવા પેન તવી માં પણ બનાવી શકો છો
- ચીલી ગાર્લિક સોસ માં ચીલી ફ્લેક્સ સાથે મિક્સ હર્બસ ની અડધી ચમચી નાખશો તો ટેસ્ટી લાગશે
- આ ડીપ તમે સ્પ્રિંગ રોડ, કે ચાઇનીઝ વાનગીઓની સાથે સર્વ કરી શકો છો ને એક વાર તૈયાર કરી ને બરણીમાં ભરી દસ પંદર મિનિટ સુધી વાપરી શકો છો
રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો