સુરણ નું ફરાળી શાક બનાવવા સૌપ્રથમ સુરણ ને પાણી થી બરોબર ધોઇ લ્યો ત્યાર બાદ ચાકુ થી છોલી લ્યોને ફરી એક વાર ધોઇ લેવા
હવે એના મીડીયમ મોટા કટકા કરી લ્યો ત્યાર બાદ ગેસ પર ઢોકરીયાં માં બે ગ્લાસ પાણી ગરમ મૂકો એના પર ચારણી મૂકી એમાં સુરણ ના કટકા મૂકી ઢાંકી ને દસ બાર મિનિટ બાફી લ્યો
સુરણ બરોબર બાફી લીધા બાદ ચારણી બહાર કાઢી સુરણ ઠંડા થવા દયો ત્યાર બાદ એના થોડા નાના ટુકડાકરી લ્યો
હવે ગેસ પર એક કડાઈમાં ઘી ગરમ કરો ઘી ગરમ થાય એટલે તેમાં જીરું નાખી તતડાવો જીરું તતડેએટલે એમાં મીઠા લીમડાના પાન, સુધારેલ લીલા મરચા ને તલ નાખી મિક્સ કરો સાથે સીંગદાણા નો ભૂકો નાખી એક બેમિનિટ શેકો.
હવે એમાં બાફી રાખેલ સુરણ ના કટકાનાખો ને સ્વાદ મુજબ ફરાળી મીઠું નાખીને મિક્સ કરો ને ધીમે તાપે ઢાંકી ને પાંચ સાત મિનિટશેકવા દયો
સુરણએક બાજુ થોડું શેકાઈ એટલે ઉથલાવી બીજી બાજુ પણ શેકો શાક બરોબર શેકાઈ જાય એટલે એમાંખાંડ, નારિયળ નું છીણને લીંબુ નો રસ નાખી મિક્સ કરી લ્યો ને ગેસ બંધ કરી નાખો
છેલ્લે લીલા ધાણા સુધારેલા નાખો ને મિક્સ કરી આ ફરાળી શાક સીધું અથવા ફરાળી રોટલી પુરી સાથે ગરમ ગરમ સર્વ કરો