બટર નાન બનાવવા સૌપ્રથમ એક વાસણમાં મેંદા ના લોટ ને ચારી ને લ્યો એમાં મીઠું, બેકિંગ સોડા, બેકિંગ પાઉડર ને ખાંડ નાખી ને મિક્સ કરી લ્યો ત્યાર બાદ એમાં તેલ ને દહી નાખી બરોબર મિક્સ કરો
હવે એમાં થોડુ થોડુ નવશેકું પાણી નાખતા જઈ સોફ્ટ લોટ બાંધો બાંધેલા લોટ ને દસ મિનિટ સુધી મસળી લ્યો લોટ મસળી ને સોફ્ટ થાય એટલે ઢાંકી ને એક કલાક એક બાજુ મૂકી દેવો
એક કલાક પછી પાછો લોટ ને બે ત્રણ મિનિટ મસળી લ્યો ને જે સાઇઝ ની નાન બનાવી હોય એ સાઇઝ ના લુવા બનાવી લ્યો ને બધા લુવા ને ઢાંકી ને મૂકો એક બાજુ
ગેસ પર તવી ને ગરમ કરવા મૂકો તવી ગરમ થાય ત્યાં સુધી એક લુવો લ્યો ને કોરા લોટ સાથે એને ત્રિકોણ આકાર માં રોટલી થી થોડી જાડી વણી લ્યો ને કાટા ચમચી થી કાણા કરી લ્યો અને ઉપરની બાજુ લીલા ધાણા અને કલોંજી છાંટી ફરી એક બે વખત વણી લેવી
હવે વણેલી નાન ને પાટલા પર જ ઉથલાવી બીજી બાજુ પાણી વારો હાથ ફેરવી પાણી લગાવી દયો ને પાણીવારી સાઈડ તવી પર આવે એમ નાન ને તવી પર મૂકો
બાજુમાં બીજા ગેસ પર પેન અથવા કડાઈ ગરમ મુકો જ્યારે નાન એક બાજુ ચડી જાય અને ઉપર ના ભાગમાં ફૂગા આવે એટલે તવી ને ઉથલાવી ને ગરમ પેન ઉપર અથવા કડાઈ ઉપર મૂકી બીજી બાજુ ગોલ્ડન શેકી લ્યો
અથવા
નાન ની ઉપર ની બાજુ નાના નાના ફુગા આવે એટલે તવી ને ઉથલાવી ને ગેસ પર ફેરવતા જઈ બધી બાજુ ચડાવી લ્યો ને બરોબર ચડી જાય એટલે તવી સીધી કરી લ્યો ને તવિથાં થી ઉખાડી લ્યો ને એના પર માખણ લગાવી લ્યો
આમ બધી નાન વણી ને ચડવી લેવી