ડુંગરીયું બનાવવા સૌપ્રથમ ડુંગળી ને છોલી ને ધોઇ લ્યો ને ચાર સરખા ભાગ માં કાપી લ્યો ત્યાર બાદલીલું લસણ સાફ કરી ધોઈ ઝીણું સુધારી લ્યો અને લીલી ડુંગળી પણ સાફ કરી ધોઈ ઝીણી સુધારી લેવી અને ટમેટા ને ધોઇ સુધારી કાપી ને મિક્સર માં પીસી ને પ્યુરી કરી લ્યો અને આદુ લસણ અને મરચા ની પેસ્ટ તૈયાર કરી લ્યો
હવે ગેસ પર એક કડાઈમાં તેલ ગરમ કરવા મૂકો તેલ ગરમ થાય એટલે તેમાં તમાલ પત્ર, તજ નો ટુકડો, લવિંગ, સ્ટાર ફૂલ અને હિંગ નાખી સેકો.
ત્યાર બાદ એમાં ડુંગળી સુધારેલી અને આદુ મરચા ને લસણ ની પેસ્ટ નાખી હલાવી ને પાંચ સાત મિનિટ શેકી લ્યો ત્યાર બાદ એમાં લીલું લસણ ઝીણું સમારેલું અને લીલી ડુંગળી નાખી મિક્સ કરી બે ચાર મિનિટ શેકી લ્યો
હવે એમાં ટમેટા પ્યુરી અને સ્વાદ મુજબ મીઠું નાખી બરોબર મિક્સ કરી ઢાંકી ને પાંચ સાત મિનિટ ચડાવી લ્યો અથવા તેલ અલગ થાય ત્યાં સુધી શેકી લ્યો હવે એમાં લાલ મરચાનો પાઉડર, ધાણા જીરું પાઉડર, હળદર,આચાર મસાલો / ગરમ મસાલો નાખી મિક્સ કરી શેકી લ્યો ત્યાર બાદ સીંગદાણા નો પાઉડર, સેવ કે પાપડીને નાખો
ત્યારબાદ એમાં ગોળ, કાજુ ના કટકા નાખી બરોબર મિક્સ કરી લ્યો ને ઢાંકી ને ત્રણ મિનિટ ચડાવી લ્યો ત્યાર બાદ ગેસ ધીમો કરી એમાં ખાટું દહીં નાખી બરોબર મિક્સ કરી બે ત્રણ મિનિટ ચડાવી લ્યો છેલ્લે એમાં લીલા ધાણા સુધારેલા નાખી મિક્સ કરો ને ગરમ ગરમ સર્વ કરો ડુંગરીયું