કાચા કેળા નું શાક બનાવવા સૌપ્રથમ ગેસ પર એક વાસણમાં અડધો કપ પાણી ગરમ કરવા મૂકો એમાં આખા ધાણા, રાઈ ,સૂકા લાલ મરચા, જીરું,મરી , તજ નો ટુકડો, મોટી એલચી, એલચી નાખી પાંચ દસ મિનિટ ઉકાળવું,
ત્યારબાદ ગેસ બંધ કરી મસાલા ને થોડા ઠંડા થવા દયો મસાલા ઠંડા થાય એટલે મિક્સર જારમાં નાખો સાથે લસણ ની કણી, આદુ નો ટુકડો, ડુંગળી અને ટમેટા નાખી પીસી ને પેસ્ટ બનાવી લ્યો
હવે કેળા ને છોલી સાફ કરી લ્યો ત્યાર બાદ એમાં કાંટા ચમચી થી કાણા કરી મિડીયમ સાઇઝ કટકા કરી લ્યો ને કટકા પર તૈયાર કરેલ પેસ્ટ ની બે ચમચી, શેકેલ બેસન, સ્વાદમુજબ મીઠું, હળદર અને લાલ મરચાનો પાઉડર નાખી કેળા ને બરોબર મિક્સ કરી કોટીગ કરી એક બાજુ મૂકો
હવે ગેસ પર એક કડાઈમાં તેલ ગરમ કરવા મૂકો તેલ ગરમ થાય એટલે એમાં કોટીંગ વાળા કેળા નાખી બધી બાજુ થી બરોબર શેકી લ્યો ત્યાર બાદ કાઢી લ્યો ને એજ તેલ માં મેથી દાણા અને તમાલ પત્રના પાન નાખી શેકો,
ત્યારબાદ એમાં તૈયાર કરેલ પેસ્ટ નાંખી ને એક મિનિટ શેકી લ્યો સાથે લાલ મરચાનો પાઉડર, ગરમ મસાલો અને મેથી હાથ થી મસળી ને નાખી મિક્સ કરી લ્યો
ત્યારબાદ બે કપ પાણી નાખો ને બરોબર મિક્સ કરી ગ્રેવી ને ઉકળવા દયો ગ્રેવી ઉકળવા લાગે એટલેએમાં શેકી રાખેલ કેળા નાખો ને મિક્સ કરી ધીમા તાપે ચડવા દયો ને ગ્રેવી ઘટ્ટ થાય ત્યાંસુધી ચડાવો ત્યાર બાદ લીલા ધાણા નાખી મિક્સ કરી લ્યો અને ગરમ ગરમ રોટલી કે પરોઠા સાથે સર્વ કરો કેળા નું શાક