બાજરી ના અપ્પમ બનાવવા સૌપ્રથમ ડુંગરી ને ઝીણી ઝીણી સુધારી લ્યો , ગાજર ને છીણી લ્યો,લીલા મરચા ને ઝીણા સુધારી લ્યો, લીલા ધાણા ને સાફ કરી ધોઈ ને ઝીણા સુધારી લ્યો અને કાચા મીઠા લીમડાના પાન ને ધોઇ ને ઝીણા સુધારી લ્યો
હવે એક મોટા વાસણમાં બાજરા ના લોટ ને ચાળી ને લ્યો ત્યાર બાદ એમાં ઝીણી સુધારેલી ડુંગળી, છીણેલું ગાજર, લીલા ધાણા સુધારેલા, લીલા મરચા સુધારેલા, આદુ પેસ્ટ, ઝીણા સમારેલા મીઠા લીમડાના પાન, મરી પાઉડર, મીઠું સ્વાદ મુજબ નાખી મિક્સ કરી લ્યો
હવે એમાં દહી, થોડું થોડુ પાણીનાખતા જઈ મિડીયમ ઘટ્ટ મિશ્રણ તૈયાર કરો ત્યાર બાદ એમાં બેકિંગ સોડા,લીંબુ નો રસ નાખી બરોબર મિક્સ કરી લ્યો અને મિશ્રણ ને એક બાજુ મૂકો
હવે ગેસ પર અપ્પમ પાત્ર ગરમ મુકો એમાં પા પા ચમચી તેલ / ઘી નાખો અને સાથે બે બે ચપટી સફેદ તેલ નાંખી એમાં તૈયાર કરેલ મિશ્રણ ની એક એક ચમચી નાખી ને ધીમા તાપે ઢાંકી ને બે ત્રણ મિનિટ ચડાવા દયો ત્યાર બાદ એક એક ને ઉથલાવી બીજી બાજુ પણ ચડાવી લ્યો આમ બધા અપમ તૈયાર કરી લ્યો
અથવાતો તવી પર તેલ કે ઘી લગાવી એમાં તૈયાર કરેલ મિશ્રણ નો એક કડછી નાખી થોડું ફેલાવી લ્યોને ઢાંકી ને બે મિનિટ ચડાવો ત્યાર બાદ ઉથલાવી નાખો ને બીજી બાજુ પણ બે મિનિટ ચડાવી લ્યો
આમ ગરમગરમ અપમ તૈયાર કરી લ્યો ને ચટણી, સોસ સાથે સર્વ કરો બાજરી ના અપ્પમ