આમળા કેન્ડી બનાવવા સૌપ્રથમ આમળા ને ધોઇ ને સાફ કરી લ્યોત્યાર બાદ એર ટાઈટ ડબ્બામાં અથવા ઝીપ લોક બેગ માં ભરી ને ફ્રિજર માં ચોવીસ કલાક માટે મૂકો ચોવીસ કલાક પછી આમળા બહાર કાઢી લ્યો અને એને ચાકુ થી થોડા થોડા છોલી લ્યો ત્યારબાદ એક થી દોઢ કલાક માટે એમજ મૂકી દયો
એકાદ કલાક પછી એક એક આમળા ને હાથ થી કે ચાકુથી ચીરી અલગ કરી લ્યો હવે ગેસ પર બે ત્રણ ગ્લાસ પાણી ગરમ મૂકો ( આમળા ની ચીરી ડૂબે એટલું પાણી)ગરમ કરવા મૂકો)પાણી ઉકળવા લાગે એટલે એમાં આમળા ની ચીરી નાખો ને પાંચ મિનિટ સુંધી ઉકાળી લ્યો ત્યાર બાદ ગેસ બંધ કરી ઢાંકી ને દસ મિનિટ એક બાજુ મૂકો
દસ મિનિટ પછી ચારણી માં આમળા નાખો પાણી નિતારી લ્યો ને ચીરી ને કપડા પર નાખી ફેલાવી ને એક બે કલાક સૂકવી લ્યો ત્યાર બાદ ચીરી બધી ભેગી કરી લ્યો,
હવે એક મોટા વાસણમાં પીસેલી સાકાર અથવા ખાંડ લ્યો એમાં આમળા નાખો ને હલકા હાથે કે વાસણ હલાવી ને આમળા ને ખાંડ ભેગી કરી લ્યો
ખાંડ ને આમળા ને દિવસ માં બે ત્રણ વખત બરોબર હલકા હાથે મિક્સ કરી લ્યો આમ બે દિવસ સુંધી હલાવી ને મિક્સ કરતા રહો ત્રીજા દિવસે એમાં લીંબુનો રસ નાખી મિક્સ કરી લ્યો,
ત્યારબાદ ફરી ઢાંકી આખો દિવસ રહેવા દયો ચોથા દિવસે આમળા ને ચારણી માં નાખી એમાંથી ખાંડ નું પાણી અલગ કરી લ્યો ને આમળા ને થાળી કે કપડા પર અલગ અલગ નાખી તડકા માં બે દિવસ સૂકવી લ્યો અને જો ઘર માં સૂકવો તો ચાર પાંચ દિવસ સૂકવવા
બે દિવસ પછી આમળા કોરા થઈ ગયા હસે જેને ભેગા કરી લ્યો અને એના પર ચાર પાંચ ચમચી પીસેલી ખાંડ નાખી મિક્સ કરી લ્યો જેથી એક બીજા માં ચોટી ના જાય ત્યાર બાદ એર ટાઈટ બરણી માં ભરી લ્યો ને મજા લ્યો આમળા કેન્ડી