મસાલા તુરઇ બનાવવાની રીત | Masala turai banavani rit | Masala turai recipe in gujarati

નમસ્તે મિત્રો આજે આપણે મસાલા તુરઇ બનાવવાની રીત - Masala turai banavani rit શીખીશું. તુરીયા ને ઘણા લોકો ગિસોડાં પણ કહેતા હોય છેજે સ્વાસ્થ્ય માટે ખૂબ જ ગુણકારી માનવામાં આવે છે, અને પચવા માં સરળ હોવાના કારણે લોકો બીમારવ્યક્તિ ને વધારે આપવાનું કહેતા હોય છે પણ આજ આપણે એજ તુરીયા ને એક અલગ જ સ્વાદ નુંતૈયાર કરી બધા ને પસંદ આવે એવું શાક બનાવવાની રીત શીખીશું. તોચાલો Masala turai recipe in gujarati શીખીએ.

5 from 2 votes

Prep Time: 20

Cook Time: 20

Total Time: 40

Servings: વ્યક્તિ

Equipment

1 કડાઈ
1 મિક્સર

Ingredients

મસાલા તુરઇ બનાવવા જરૂરી સામગ્રી

2-3 તુરીયા / ગિસોડા
3 ચમચી તેલ
½ કપ સીંગ દાણા
5-6 ચમચી સૂકું નારિયળ છીણેલું
½ કપ લીલા ધાણા સુધારેલા
½ ચમચી રાઈ
½ ચમચી જીરું
1 ચમચી આદુ લસણની પેસ્ટ
1 ચમચી લાલ મરચાનો પાઉડર
1 ચમચી હળદર
1 ચમચી ધાણા જીરું પાઉડર
1½ કપ પાણી
½ ચમચી ગરમ મસાલો
મીઠું સ્વાદ મુજબ

Instructions

મસાલા તુરઇ | Masala turai | Masala turai recipe

મસાલા તુરઇ બનાવવા સૌપ્રથમ કાચા તુરીયા ને ધોઇ ને સાફ કરી લ્યો ત્યાર બાદ છોલી ને આંગળી ની સાઇઝ ના કટકા કરી લ્યો અને એમાં ઊભી પ્લસ ની જેમ કાપા પાડી લ્યો ત્યાર બાદ એક બાજુ મૂકો.
હવે ગેસ પર એક કડાઈમાં એક ચમચી તેલ ગરમ કરી લ્યો એમાં સીંગદાણા નાખી બે ચાર મિનિટ ધીમા તાપે શેકી લ્યો સીંગદાણા બરોબર શેકાઈ જાય એટલે એમાં છીણેલું સૂકું નારિયળ નાખી એક મિનિટ શેકો ત્યાર બાદ બીજા વાસણમાં કાઢી ઠંડુ થવા દયો હવે ઠંડા થયેલ સીંગદાણા અને નારિયળના છીણ ને મિક્સર જારમાં નાખો સાથે લીલા ધાણા સુધારેલા નાખી ને પીસી લ્યો.
હવે એજ કડાઈમાં બે ત્રણ ચમચી તેલ ગરમ કરી લ્યો તેલ ગરમ થાય એટલે એમાં કટકા કરેલ તુરીયા નાખો સાથે પા ચમચી હળદર નાખી મિક્સ કરી લ્યો ને બે મિનિટ હલાવતા રહો તુરીયા ને શેકો ત્યાર બાદ બે ચાર મિનિટ માટે ઢાંકી ને તુરિયનેશેકી લ્યો ને વચ્ચે એક બે વખત હલાવી લ્યો જેથી બધી બાજુ બરોબર ચડી જાય શેકેલ તુરીયાને બીજા વાસણમાં કાઢી ને એક બાજુ મૂકો.
ત્યારબાદ એજ કડાઈમાં એકાદ ચમચી તેલ નાખી ગરમ.કરી લ્યો તેલ ગરમ થાય એટલે તેમાં રાઈ જીરુ નાખી તતડાવી લ્યો ત્યાર બાદ એમાંઆદુ લસણની પેસ્ટ નાખી મિક્સ કરી એક મિનિટ શેકી લ્યો ત્યાર બાદ એમાં પીસેલા સીંગદાણાનો ભૂકો નાખી મિક્સ કરી શેકી લ્યો અને અડધો કપ પાણી નાખી મિક્સ કરી લ્યો.
હવે એમાં હળદર, લાલ મરચાનો પાઉડર,ધાણા જીરું પાઉડર નાખી એક મિનિટ શેકી ને મિક્સ કરી અને ત્યાર બાદ એમાંશેકી રાખેલ તુરીયા નાખી મિક્સ કરી લ્યો અને ત્યાર બાદ એમાં એક કપ પાણી નાંખી મિક્સકરી લ્યો ને સ્વાદ મુજબ મીઠું અને ગરમ મસાલો નાખી મિક્સ કરી ઢાંકી ને બે મિનિટ ધીમા તાપે ચડાવી લ્યો ત્યાર બાદ ગેસ બંધ કરી ને ગરમ ગરમ સર્વ કરો મસાલા તુરઇ.

Masala turai recipe in gujarati notes

તુરીયા વાપરતા પહેલા એક વખત નાનો ટુકડો ખાઈ ને ચેક કરી લેવા કેમ કે ક્યારેક તુરીયા કડવા પણ હોય છે.
મસાલા તમારા ટેસ્ટ મુજબ વધુ ઓછી માત્રા કરી શકો છો.

રેસીપી વિશે આપનો અભિપ્રાય જરૂરથી જણાવશોઉપર ⭐⭐⭐⭐⭐ રેટિંગ આપવા વિનંતી તેમજ તમેજ નીચે કોમેન્મટ પણ કરી શકો છો