લીલી હળદરનું શાક બનાવવા સૌપ્રથમ લીલી હળદરને પાણીમાં બરોબર ધોઇ લ્યો ત્યાર બાદ તેને ચાકુવડે છોલી લઈ ફરીથી ધોઈ લેવી ને ત્યાર બાદ કપડામાં કોરી કરી લેવી
હવે લીલી હળદર ને છીનીમાં છીણી લ્યો અથવા સાવ ઝીણી સુધારી લ્યો
હવે ગેસ પર એક કડાઈમાં અડધા કપ માંથી ત્રણ ચાર ચમચી બાકી રહે એટલું ઘી બાકી રાખી બીજુંઘી કડાઈમાં નાખો
ઘી ગરમ થાય એટલે તેમાં છીનેલ /સુધારેલ લીલી હળદર નાખી ધીમા તાપે 7-8 મિનિટ શેકો લીલી હળદર બરોબર શેકાઈ જાયએટલે એમાં સુધારેલ ડુંગરી / લીલી ડુંગળી નાખી બે ત્રણ મિનિટ શેકો ત્યાર બાદ એમાં લીલા વટાણા નાખી મિક્સ કરો
હવે એમાં લાલ મરચાનો પાઉડર, ધાણા જીરું નો પાવડર, ગરમ મસાલો ને સ્વાદ મુજબ મીઠું નાખી મિક્સ કરો ને ટમેટા નાખી શેકો ટમેટા બરોબર ચડી જાય એટલે એમાં મોરું દહીં નાખી મિક્સ કરી ને પાંચ મિનિટ શેકો
હવે કડાઈને એક બાજુ મૂકી દયો ને વઘારિયામાં બાકી રહેલા ઘી લ્યો ઘી ગરમ થાય એટલે એમાં જીરું હિંગ નાખો ને આદુ ,લસણ મરચાની પેસ્ટ નાંખી એક બે મિનિટ શેકો
હવે તૈયાર વઘારને શાકમાં નાખો ને મિક્સ કરી ઢાંકણ ઢાંકી ચાર પાંચ મિનિટ સુધી ચડવા દો છેલ્લેએમાં લીલા ધાણા સુધારેલા નાખી મિક્સ કરો ને ગરમ ગરમ પીરસો