સિંગપાક બનાવવા માટે સૌ પ્રથમ સીંગદાણા ને સાફ કરી ખરાબ દાણા કાઢી નાખો ત્યાર બાદ ગેસ પર એક કડાઈમાં ધીમા તાપે સીંગદાણા ને હલાવતા દસ થી પંદર મિનિટ સુધી શેકો ત્યાર બાદ ગેસ પરથી ઉતરી ઠંડા થવા મૂકો
સીંગદાણા ઠંડા થાય એટલે હાથ થી મસળી ને એના ફોતરા કાઢી ને સાફ કરી લ્યો (અહી તમે બજારમાં તૈયાર શેકેલ સીંગદાણા મળે છે એ પણ વાપરી શકો છો ) હવે થોડા થોડા સીંગદાણા મિક્સર જારમાં નાખી પ્લસ મોડ માં બે ત્રણ વખત પીસીલ્યો
મિક્સરને લગાતાર ના હલવો નહિતર દાણા માંથી તેલ અલગ થઈ જશે એટલે મિક્સર રોકી રોકી ને હલવોને દાણા ને પીસી લ્યો હવે સાફ ચારણી થી પીસેલા દાણા ને ચારી લ્યો ને આખા કે અડધા બચેલ દાણા ફરી પીસી પાઉડર બનાવી લ્યો અને ચાળી લ્યો જેથી કોઈ આખો દાણા ના રહે
હવે ગેસ પર એક કડાઈમાં ખાંડ અને પાણી ( જેટલી ખાંડ હોય એનાથી અડધી માત્રા માં નાખવું એનાથી વધારે નહિ) નાખી ને ધીમા તાપે હલાવતા રહી ખાંડ ને ઓગળી ને એક તાર ની ચાસણી બનાવી એક તારની ચાસણી આશરે પાંચ મિનિટ ધીમા તાપે ચડાવી ને તૈયાર થઈ જશે
હવે એમાં એલચી પાઉડર નાખી મિક્સ કરી નાખો ને ત્યાર બાદ એમાં પીસેલા સીંગદાણા નાખી બરોબર મિક્સ કરી લ્યો અને મિશ્રણ ને ધીમા તાપે હલાવતા રહી ને મિશ્રણ કડાઈ મુકવા લાગે એટલે એમાં બે ચમચી ઘી નાખી મિક્સ કરી ત્યાં સુંધી ચડાવું ત્યાર બાદ ગેસ બંધ કરી નાખો
હવે એક એક થાળી ને ઘી થી ગ્રીસ કરી એમાં તૈયાર કરેલ મિશ્રણ નાખી ને એક સરખું ફેલાવી દયોને ઉપર કાજુ, બદામ અને પીસ્તા ની કતરણ છાંટી ને અડધો કલાક ઠંડો થવા મૂકો ત્યાર બાદ ધાર વાળાચાકુ થી કટકા કરી લ્યો ને તાવિથા વડે કાઢી લ્યો ને પ્રસાદ મા ઉપયોગ માં લ્યો કે પછી એર ટાઈટ ડબ્બામાં ભરી લેવી અને મજા લ્યો સિંગપાક