Cheese cigar roll banavani rit

• ચીઝ સિગાર રોલ બનાવવા માટે સૌ પ્રથમ એક બાઉલ લેશું અને આપણે લોટ ની તૈયારી કરી લેશું તેના માટે આપણે એક બાઉલ લેશું તેમાં 1.5 કપ મેંદો , મીઠું ½ ચમચી , તેલ 2 ચમચી નાખી અને બધું બરાબર મિક્સ કરી અને થોડું થોડું કરી ને પાણી નાખતા જશું અને એક મિડિયમ લોટ તૈયાર કરી લેશું અને ત્યાર બાદ ઢાંકણ ઢાંકી અને 30 મિનિટ માટે લોટ ને રેવા દેશું .
• ત્યાર બાદ હવે આપણે સોસ ની તૈયારી કરી લેશું તેના માટે ગેસ પર એક કડાઈ / પેન લેશું તેમાં 1 મોટી ચમચી તેલ નાખશું તેલ ગરમ થાય એટલે તેમાં 1 મોટી ચમચી જીણું સમારેલું લસણ નાખીશું લસણ ગોલ્ડન બ્રાઉન થાય ત્યાર સુધી સેકી લેશું ત્યાર બાદ તેમાં ¾ કપ પાણી , ખાંડ ¼ કપ નાખી અને પાણી માં ઉભરો આવી જાય અને ખાંડ ઓગળી જાય એટલે તેમાં મીઠું ½ ચમચી , ચિલી ફલેક્સ 1 ચમચી , કાશ્મીરી લાલ મરચું પાવડર , 1 ચમચી 2 ચમચી વિનેગર નાખી અને બધી વસ્તુ ને સારી રીતે મિક્સ કરી લેશું . વિનેગર નાખવાથી તમે આ સોસ ને આરામથી 6 મહિના જેવું ફ્રીઝ માં રાખી અને સ્ટોર કરી સકો છો .
• હવે પાણી માં ફરીથી એક ઉભરો આવી જાય ત્યારે એક વાટકી માં 1 ચમચી કોર્ન ફ્લોર નાખી અને થોડું પાણી નાખી અને તે કોર્ન ફ્લોર વાળા પાણી ને આપણે પેન માં નાખી અને 2 મિનિટ માટે આપણે સોસ ને ચડાવી લેશું જેથી કોર્ન ફ્લોર નું કાચું પણું નીકળી જશે . તો 2-3 મિનિટ બાદ આપણો સોસ બની અને તૈયાર છે .
• ત્યાર બાદ હવે આપણે જે લોટ બાંધી ને રાખ્યો હતો તે લોટ ને ફરીથી મસળી લેશું અને પૂરી ની સાઇઝ ના નાના નાના લૂઆ તૈયાર કરી લેશું ત્યાર બાદ પાટલો અને વેલણ લેશું અને તેના પર કોરો લોટ લગાવી અને 2 લૂઆ લઈ અને નાની નાની પુરી બનાવી લેશું પૂરી બની જાય એટલે એક પૂરી ઉપર થોડું તેલ અને થોડો કોરો લોટ લગાવી અને તેના પર બીજી પૂરી મૂકી દેશું ફરીથી પાટલા પર કોરો લોટ લગાવી અને હવે બંને પૂરી ને રોટલી ની સાઇઝ જેટલી વણી લેશું . આવીજ રીતે બધી રોટલી તૈયાર કરી લેશું .
• હવે ગેસ પર એક પેન મૂકીશું અને તેના પર આ રોટલી મૂકી અને રોટલી ને કાચી પાકી સેકી લેશું રોટલી કાચી પાકી સેકી લીધા બાદ આપણે રોટલી ના બંને પળ ને અલગ કરી લેશું . આવી જ રીતે બધી રોટલી સેકી અને અલગ કરી લેશું અને કપડા માં ઢાંકી ને મૂકી દેશું . જેથી આપણી રોટલી કડક ના થઈ જાય
• ત્યાર બાદ આપણે રોટલી માં ભરવા માટેની ફિલિંગ બનાવશું તેના માટે એક બાઉલ લેશું તેમાં 1 કપ ખમણેલું પનીર , ½ કપ ખમણેલું ચીઝ , ઝીણી સુધારેલી ડુંગળી 1 કપ , જીણું સમારેલું શિમલા મરચું ¼ કપ , જીણું સમારેલું ગાજર થોડું ( ઓપ્શનલ ) , લીલું મરચું જીણું સમારેલું 5 નંગ તીખાશ તમે તમારી જરૂર મુજબ વધારે કે ઓછી કરી શકો છો , લસણ ની પેસ્ટ 1 ચમચી , 1 ચમચી મીઠું , કાળા મરી નો પાવડર ½ ચમચી , લીલા સમરેલા ધાણા થોડા નાખી અને બધી વસ્તુ ને બરાબર મિક્સ કરી લેશું .
• હવે ફિલિંગ ને સાઇડ માં મૂકી અને એક નાની વાટકી માં 1 ચમચી મેંદો નાખશું અને ત્યાર બાદ તેમાં થોડું પાણી નાખી દેશું અને થોડી જાડી સ્લરી તૈયાર કરી લેશું . આ સ્લરી આપણે સિગાર રોલ ચિપકવામાં મદદ કરશે . ત્યાર બાદ આપણે જે રોટલી સેકી ને રાખી હતી તે 1-1 કરી અને રોટલી લેશું ત્યાર બાદ તેમાં 1-1 ચમચી કરી અને ફિલિંગ નાખશું ત્યાર બાદ આપણે જે મેંદા ની સ્લરી ચારે બાજુ કિનારી માં લગાવી દેશું ત્યાર બાદ તેની ચારે બાજુ સારી રીતે પેક કરી અને સિગાર નો સેપ આપી દેશું આવી જ રીતે બધા રોલ તૈયાર કરી લેશું.
• ત્યાર બાદ ગેસ પર એક કડાઈ મૂકી અને તેલ ને મિડયમ તાપે ગરમ કરી લેશું અને 4-4 કરી અને બધા રોલ ને ગોલ્ડન અને ક્રિસ્પી થાય ત્યાર સુધી તરી લેશું .
• તો તૈયાર છે આપણા ચીઝ સિગાર રોલ જેને આપણે સર્વિંગ પ્લેટ માં લઈ અને તૈયાર કરેલા સોસ સાથે સર્વ કરીશું.