મિત્રો આપણે નાસ્તા માં પૌવા તો ખાતા જ હોઈએ પણ આજે આપણે નાગપુર માં ખવાતી રીત મુજબ પૌવા સાથે તરી પણ સીખસુ. તો ચાલો શીખીએ તરી પૌવા બનાવવાની રીત ,Tarri poha banavani rit, Tarri poha recipe in Gujarati

તરી પૌવા બનાવવા જરૂરી સામગ્રી

તરી માટે જરૂરી સામગ્રી

૨ કપ દેશી ચણા (૮-૧૦ કલાક પલાળેલા)

ડુંગળી ના પેસ્ટ માટે જરૂરી સામગ્રી

• મીઠું સ્વાદાનુસાર
• ૨ ચમચા તેલ
• ૧/૩ કપ સૂકા નારિયળ ના ટુકડા
• ૨-૩ ડુંગળી સુધારેલી
• ૫-૬ કળી લસણ
• ૧ ઇંચ આદુ સુધારેલું
• ૧ તજ નો ટુકડો
• ૪-૫ લવિંગ
• ૪-૬ કાળા મરી

તરી ના વઘાર માટે જરૂરી સામગ્રી

• જીરૂં ૧ ચમચી
• રાઈ ૧ ચમચી
• ૨-૩ તમાલપત્ર
• હિંગ ૧ ચમચી
• હળદર પાઉડર ૧/૨ ચમચી
• લાલ મરચું પાઉડર ૪ ચમચા
• ધાણા પાઉડર ૧ ચમચો
• જીરૂ પાઉડર ૧ ચમચી
• ૨ ચમચા કાળો ગરમ મસાલો
• મીઠું સ્વાદાનુસાર
• ૧ મુઠ્ઠી લીલા ધાણા સમારેલા
• ગરમ પાણી ૧-૧.૫ લીટર
• ૧ ચમચી આમચૂર પાઉડર
• અડધા કાપેલા ૧૦-૧૨ ટામેટા

પૌવા માટે જરૂરી સામગ્રી

• ૨ કપ પૌવા
• તેલ ૧ ચમચો
• રાઈ જીરું ૧ ચમચી
• લીમડા ના પાન ૧૨-૧૫ મીઠા
• લીલા મરચાં ૧-૨
• સિંગા ના દાણા ૧/૪ કપ
• ડુંગળી સુધારેલી ૧/૨ કપ
• ૧/૨ ચમચી હળદર પાઉડર
• ખાંડ ૧ ચમચી
• મીઠું સ્વાદાનુસાર
• ૧-૨ બટેટાં બાફી ને સુધારેલા
• લીંબુ નો રસ ૧ ચમચી
• લીલા ધાણા સમારેલા ૧ ચમચો
• ૧ કપ ચેવડો ( સર્વ કરવા)

Tarri poha recipe in Gujarati

તરી બનાવવા ની રીત

તરી બનાવવા માટે તમારે દેશી ચણા ને ૮-૧૦ કલાક પહેલા પલાળી દો. ચણા પલળી જાય એટલે તેને ધોઈ ને એક કુકર માં નાખી ૪ ગણું પાણી ઉમેરીને અને સ્વાદ મુજબ મીઠું નાખી ને ૩-૪ સીટી વાગે ત્યાં સુધી મધ્યમ તાપે ચઢવા દો.

ચણા બફાઈ ત્યાં સુધી આપણે તરી માટેની ડુંગળી ની પેસ્ટ બનાવી લઈએ

ડુંગળી ની પેસ્ટ બનાવવા ની રીત

એક કડાઈમાં તેલ ગરમ કરો. હવે તેમાં નારિયળ ના ટુકડા નાખી ગોલ્ડન કલર થાય ત્યાં સુધી શેકો. પછી તેમાં ડુંગળી નાખી ગુલાબી થાય ત્યાં સુધી સાંતળો. ડુંગળી સેકાઇ જાય એટલે તેમાં લસણ , આદુ, તજ, લવિંગ , મરી અને સ્વાદ મુજબ મીઠું નાખી બરાબર સેકો.

હવે ગેસ બંધ કરી મિશ્રણ ને થડું થવા દો. મિશ્રણ ઠંડુ પડે એટલે તેને એક મિક્સર જારમાં પીસી લો. ડુંગળી ની પેસ્ટ તૈયાર છે.

હવે આપણે તરી માટેનો વઘાર કરસુ.

તરી ના વઘાર ની રીત

એક કડાઈ માં તેલ ગરમ કરવા મૂકવું. તેલ ગરમ થાય એટલે તેમાં રાઈ , જીરું, તમાલપત્ર નાખો. રાઈ તતડે એટલે એમાં હિંગ, હળદર , લાલ મરચું પાઉડર, ધાણા પાઉડર, જીરું પાઉડર,

કાળો ગરમ મસાલો નાખી શેકો. હવે તેમાં ડુંગળી ની પેસ્ટ નાખી દો પેસ્ટ નાખ્યા પછી તેમાંથી તેલ છૂટે ત્યાં સુધી શેકો. પછી તેમાં સમારેલા લીલાં ધાણા નાખી બરાબર હલાવી લો.

પછી તેમાં ચણા બાફવા માં વધેલું પાણી અને બીજું ૧-૧.૫ લીટર પાણી ઉમેરીને બરાબર હલાવો. હવે તેના ૨૦ મિનિટ સુધી ધીમા તાપે ચડવા દો. પછી તેમાં આમચૂર પાઉડર અને વચ્ચે થી અડધા કાપેલા ટામેટા નાખી ૧૦ મિનિટ સુધી ધીમા તાપે ચડવા દો. તૈયાર છે તરી.

હવે આપણે પૌવા બનાવશું.

પૌવા બનાવવા ની રીત

સૌ પ્રથમ પૌવા ને એક ચારણી માં લઇ પાણી થી વ્યવસ્થિત રીતે ધોઈ લો.

હવે એક કડાઈમાં તેલ ગરમ કરી તેમાં રાઈ જીરું નાખો. રાઈ તતડે એટલે તેમાં મીઠા લીમડા ના પાન, લીલા મરચાં, સીંગા ના દાણા નાખો. સિંગ ના દાણા સિકાઈ જાય એટલે તેમાં સમારેલી ડુંગળી અને હળદર પાઉડર નાખી ડુંગળી ને સાતડો. પછી તેમાં ખાંડ ,મીઠું, અને બાફેલા બટેટા નાખી સેકો.  હવે તેમાં પૌવા અને લીંબુ નો રસ અને સમારેલા લીલાં ધાણા નાખી બરાબર હલાવી ને એક મિનિટ સેકો. તૈયાર છે મસ્ત પૌવા.

હવે આપણે તરી પૌવા સર્વ કરવા હોય ત્યારે સૌ પ્રથમ એક પ્લેટ માં પૌવા લઈ તેના પર ચેવડો ભભરાવી ઉપર ચણા ની તરી રેડી સર્વ કરો.

મસ્ત તીખા ચટાકેદાર તરી પૌવા ની મજા માણો.

Tarri poha banavani rit | Tarri poha recipe Video

જો તમને આ રેસીપી નો વિડીયો ગમ્યો હોય તો Youtube પર Your Food Lab ને Subscribe કરજો

રેસીપી ગમી હોય તો નીચે ⭐ સ્ટાર રેટિંગ ⭐ તેમજ ફીડબેક નીચે કોમેન્ટ કરી અચૂક જણાવશો, બીજી ઘણી બધી રેસીપી ની નીચે આપેલ છે તે અચૂક જુવો

તરી પૌવા બનાવવાની રીત

આવીજ બીજી સ્વાદિષ્ટ Nasta Recipe નીચે આપેલ છે તે પણ જોવા વિનંતી

ચોળાફળી બનાવવાની રેસીપી ચટણી સાથે | chorafali banavani rit | chorafali recipe in Gujarati